31 08 2022

Համոզված ենք, որ Արցախի միջազգային ճանաչումը հասունացել է. Արցախի ՄԻՊ

Արցախի Հանրապետության ՄԻՊ Գեղամ Ստեփանյանը գոհունակություն է հայտնել ՄԱԿ-ի Ռասայական խտրականության վերացման կոմիտեի եզրափակիչ դիտարկումներում 2020 թ․ Արցախի դեմ ագրեսիայի ընթացքում և դրանից հետո Ադրբեջանի կողմից իրականացվող մարդու իրավունքների կոպիտ խախտումների դեպքերի արձանագրումը։

«Գոհունակությամբ ենք նշում, որ Ռասայական խտրականության բոլոր ձևերի վերացման մասին կոնվենցիայով Ադրբեջանի կողմից ստանձնած պարտավորությունների կատարման վերաբերյալ ՄԱԿ-ի Ռասայական խտրականության վերացման կոմիտեի եզրափակիչ դիտարկումներում տեղ են գտել 2020 թ․ Արցախի դեմ ագրեսիայի ընթացքում և դրանից հետո Ադրբեջանի կողմից իրականացվող մարդու իրավունքների կոպիտ խախտումների դեպքերը։

Կոմիտեի արձանագրած մտահոգությունները ազգությամբ և ծագումով հայերի նկատմամբ ռասայական ատելության հրահրումների ու ռասիստական կարծրատիպերի քարոզչության վերաբերյալ՝ այդ թվում Ադրբեջանի պետական պաշտոնյաների կողմից, ինչպես նաև պատշաճ հետաքննության բացակայությունը լավագույնս վկայում են այն մասին, որ Ադրբեջանում խտրական քաղաքականությունը իրականացվում է պետական մակարդակով։

Կոմիտեի կողմից մատնանշված մյուս բոլոր դեպքերը՝ ադրբեջանական զինված ուժերի կողմից կատարվող հայ ռազմագերիների և քաղաքացիական անձանց մարդու իրավունքների կոպիտ խախտումները, այդ թվում արտադատական սպանությունները, խոշտանգումները, դաժան վերաբերմունքը և կամայական կալանավորումները, ինչպես նաև հայկական մշակութային և կրոնական ժառանգության ոչնչացումը իրականացվում են համաձայն Ադրբեջանի պետական խտրական քաղաքականությանը և որպես դրա շարունակություն։

Կոմիտեի կողմից ներկայացված դիտարկումները մաս են կազմում տասնամյակների ընթացքում Արցախի ժողովրդի նկատմամբ իրականացվող Ադրբեջանի համակարգային և լայնածավալ խտրական քաղաքականությանը։ Պետական մակարդակով Ադրբեջանի խտրական քաղաքականության իրականացումը վկայում է, որ Արցախի ժողովրդի ընտրած ուղին և անկախ պետականության կառուցումը այլընտրանք չունեն։ Համոզված ենք, որ Արցախի միջազգային ճանաչումը հասունացել է՝ որպես մարդու իրավունքների կոպիտ խախտումների կանխարգելմանն ուղղված արդյունավետ միջոցների կիրառման վերաբերյալ միջազգային հանրության կողմից ստանձնած պարտավորության իրականացման դրսևորում»,-նշել է Ստեփանյանը։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Արցախի ՄԻՊ | Արցախի միջազգային ճանաչում

Դիտել նաև

Հասարակություն 08 01 2024

Քի՛չ սգացեք, հանկարծ ձեր սուգը նոր սուգ կբերի, ասում են… Գեղամ Ստեփանյան

«Իրատե՛ս եղեք» սառը ուտեստով կերակրում են ընդամենն ամիսներ առաջ որբացածին, որի ծնողը չի մեռել, այլ նրան բռնությամբ զրկել են ծնողից. Արցախի ՄԻՊ

Հասարակություն 11 12 2023

«Մնայիք, պահեիք, չեք պայքարել»՝ սա ամենաաբսուրդային հայտարարությունն է, որ ասվում է՝ շրջափակման, տառապանքների մեջ ապրած արցախցուն. Արցախի ՄԻՊ

Շատ հեշտ է հեռավորության վրա ինչ-ինչ արտահայտություններ անելը. Գեղամ Ստեփանյան

Հասարակություն 11 12 2023

Արցախի ՄԻՊ-ը՝ «ջուր ուզեցի, արցախցին չտվեց», «բոլոր արցախցիներն ունևոր են» և այլ միֆերի մասին

Պետք է կոտրել ներազգային ատելությունը, արցախցիների հանդեպ խտրականություն սերմանող երևույթները. Գեղամ Ստեփանյան

Հասարակություն 19 10 2023

Ինչքան զզվանք եմ զգում, երբ լսում եմ «դատապարտում ենք», «խորապես մտահոգված ենք» և նման անիմաստ հայտարարություններ. Արցախի ՄԻՊ

Արտահայտություններ, որոնք քողարկում են միջազգային հանրության անգործությունը իրական մարդկանց տառապանքների նկատմամբ

Հասարակություն 14 10 2023

Ադրբեջանը շինծու քրեական գործով կամայական դատավարություն է իրականացնում. Արցախի ՄԻՊ

Նա միջազգային հանրությանը կոչ է արել ապահովել Վագիֆ Խաչատրյանի անհապաղ և անվտանգ վերադարձը Հայաստան

Հասարակություն 01 10 2023

Արցախից վերջին ավտոբուսն է հասել Գորիս. Արցախի ՄԻՊ

Նվիրյալ մարդկանց մի փոքրիկ թիմ հարյուրավոր ահազանգերի հետևից գնացել է հասցե առ հասցե, դուռ առ դուռ՝ անօգնական մարդկանց տարհանելու համար