Ակնարկում էինք, որ հարիր չէր կլասիկ պատգամավորի վզակոթին հասցնելը․ Արթուր Խաչատրյան

«Հայաստան» խմբակցության պատգամավոր, ՀՅԴ անդամ Արթուր Խարատրյանը գրում է․

Անսխալական մարդ չկա, բոլորս ենք սխալվում․․․ Բայց, մարդ պետք է կարողանա իր սխալն ընդունել։ ԱԺ-ում մի երկու սխալ բան էլ ես եմ արել։ Ուզում եմ «մեղքս խոստովանել» ակնկալելով ընտրողներիս ու չընտրողներիս ներողամտությունը։

ՔՊ-ն կենտրոնական բանկի խորհրդի անդամի թեկնածու էր առաջարկել Փաշինյանի նախկին խորհրդական, նախկին պատգամավոր Արտակ Մանուկյանին։ Դե, երևի հիշում եք ում մասին է խոսքը։ Ինչ կապ ուներ Արտակ Մանուկյանը կենտրոնական բանկի հետ, ես հիմա էլ լավ չեմ պատկերացնում, բայց հիմա դրամավարկային քաղաքականություն քննարկելու տրամադրություն չունեմ։ Բայց, Արտակ Մանուկյանն ԱԺ-ի պատմության մեջ կմնա որպես Էդմոն Մարուքյանի ծոծրակին (վզակոթին) ճտացնող։ Հիշու՞մ եք։ Հա, ուրեմն պրն․ Մանուկյանին, հանձնաժողովում քննարկման ժամանակ, Արծվիկն ու ես, մեղմ ասած, ակնարկում ենք, որ հարիր չէր ԿԲ խարհրդի ապագա անդամին կլասիկ պատգամավորի վզակոթին հասցնելը, վերջապես կլասիկ պատգամավոր է, հո՞ փողոցի լածիրակ չի ում վզակոթին տալիս են ու ուղարկում են սիգարետի հետևից․․․

Հիմա, երբ երբ նայում եմ հատուկ հանձնարարությունների գծով կլասիկ դեսպանի պահվածքին, մտածում եմ, որ Արտակ Մանուկյանի նկատմամբ պետք չէր շատ խիստ լինել․․․․