18 05 2022

Որքան բիրտ ուժ կիրառեն, այնքան մեր թիվն ավելանալու է. քաղաքացի



Այսօր խնդիրը շատ ավելի պարզ է, հստակ գծված են կարմիր գծերը՝ կամ ունենում ենք հայրենիք, կամ չենք ունենում, ու այստեղ մնացած հարցերը դառնում են շատ երկրորդական: Yerevan.Today-ի հետ զրույցում ասաց «Դիմադրության» շարժմանը միացած երիտասարդներից մեկը:

«Այսօր մեր առաջ դրված է հարց՝ Հայաստան ունենո՞ւմ ենք, թե՞ ոչ, ես հենց այդ հարցի պատասխանի համար եմ այստեղ, որովհետև մենք Հայաստան պետք է ունենանք:

Դժվար է վերջին տարիներին այս ամենի միջով անցած երիտասարդներին ինչ-որ բանով վախեցնել, որովհետև մենք շարունակում ենք մեր բնականոն կյանքը, բայց մենք անցել ենք պատերազմի միջով, որն անհետք չի կարող մնալ: Մեզ ոչ ոք ոչնչով վախեցնել չի կարող՝ ո՛չ բիրտ ուժ կիրառելով, ո՛չ մեքենայի տակ գցելով, որն այսօր է արձանագրվել: Այնպես որ մեզ ոչնչով չեն կարող վախեցնել, որովհետև մեզ ոչ ոք չի սպասում, ունենք այս փոքր հայրենիքը, որտեղ պետք է կարողանանք ապրել: Եվ որքան բիրտ ուժ կիրառեն, այնքան մեր թիվն ավելի շատանալու է, որովհետև մեր ընկերները, մեր հարազատները, ովքեր անգամ չեն կիսում մեր տեսակետը, տեսնելով այս ամենը, իմանալով մեր սկզբունքները, գալիս են»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ