01 06 2020

Հաշմանդամություն ունեցող երեխային պետք է սովորեցնել ինքնուրույն կյանքի հմտություններ. ՄԻՊ

Հաշմանդամություն ունեցող երեխային պետք է սովորեցնել ինքնուրույն կյանքի հմտություններ. ՄԻՊ

ՀՀ Մարդու իրավունքների պաշտպան Արման Թաթոյանը գրել է․

«Այս նկարները մեր խնդրանքով պատրաստել են երեխաները, նայե՜ք դրանք․ դպրոցական երեխաները նկարներով մեզ են փոխանցում պատկերացնումներ իրենց իրավունքների մասին։

Երեխաներն իրենց մաքրությամբ մեծերից շատ դեպքերում ավելի լավ են պատկերացնում ներառականությունը, սեփական աշխարհայացքով են ցույց տալիս, որ պետք է գնահատել մարդու արժեքը, որ երբեք չի կարելի թույլ տալ, որ երեխան մեկուսանա իր հասակակիցներից միայն այն բանի համար, որ նա առանձնահատուկ է առողջական կամ սոցիալական վիճակով, չի կարելի նվաստացնել մարդուն ու զրկել նրան հիմա ու հետո ինքնուրույն կյանքով ապրելու երջանկությունից։

Մենք՝ մեծերս չպետք է թողնենք, որ այս կարևոր արժեքները մարեն մեր երեխաների մեջ. միայն այդ արժեքները զարգացնելով կարող ենք դաստիարակել ապագայի արժանապատիվ քաղաքացիներ։

Ի միջի այլոց, այս նկարների մեծ մասի հեղինակ են մարզերի երեխաները, ովքեր նախորդ տարի մասնակցել ու մրցանակներ են ստացել Մարդու իրավունքների պաշտպանի #փոխիրաշխարհը կարգախոսով իրազեկման արշավին:

Յուրաքանչյուր նկարի վրա կարող եք գտնել նկարը պատկերած երեխայի անուն-ազգանունն ու դպրոցը, դասարանն ու տարիքը»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ