Ովքեր են աջակցության 8-րդ ծրագրի նոր շահառուները․ ներկայացնում է նախարարը

Կառավարությունը հաստատել է կորոնավիրուսի հետևանքների հաղթահարման 15 ծրագիր: Այսօր ասուլիսի ժամանակ այդ մասին ասաց ՀՀ աշխատանքի և սոցիալական հարցերին նախարար Զարուհի Բաթոյանը՝ նշելով, որ ընդլայնվել է 8-րդ ծրագրի շահառուների ցանկը:

Թվարկելով համապատասխան ոլորտները՝ նա տեղեկացրեց, որ շուրջ 36 հազար նոր շահառու է ավելանում ծրագրում, որոնց ուղղված բյուջեն կազմում է ավելի քան 2 մլրդ դրամ:

Բաթոյանն ընդգծեց, որ հաճախ ունեցել են խնդիրներ, երբ քաղաքացիները հանդիսացել են շահառու, բայց կազմակերպությունն իր ոլորտը սխալ է ամրագրել ՊԵԿ շտեմարանում, որի հետևանքով խնդիրներ են առաջացել: Այդպիսի դեպքերի համար հնարավորություն կտրամադրվի, որպեսզի կազմակերպությունները ուղղումներ կատարեն և քաղաքացիները որևէ խնդիր չունենան: