27 06 2019

Կառավարությունն ընդունեց նվազագույն աշխատավարձը բարձրացնելու նախագիծ



ՀՀ կառավարության հունիսի 27-ի նիստում ընդունվեց նվազագույն աշխատավարձի շեմը 55,000 դրամից 68,000 դրամի բարձրացնելու մասին նախագիծը:

ՀՀ աշխատանքի և սոցիալական ապահովության փոխնախարար Գեմաֆին Գասպարյանն ասաց, որ «Նվազագույն աշխատավարձի մասին» ՀՀ օրենքում փոփոխությունների նախագիծը վերաբերվելու է մասնավոր ոլորտում աշխատող 45,000 մարդու, պետական ոլորտում՝ 35,000 մարդու:

ՀՀ ֆինանսների նախարար Ատոմ Ջանջուղազյանը նշեց, որ որոշումը չի վերաբերվում բազային աշխատավարձին, որով հաշվարկվում է պետական պաշտոնյաների աշխատավարձը: Իսկ փոխվարչապետ Մհեր Գրիգորյանը առաջարկեց հստակ ֆիքսել ժամային գրաֆիկը, որպեսզի հատկապես մասնավոր հատվածում մանյովրներ չլինեն:

Նախագիծը պետք է քննարկվի և ընդունվի Ազգային ժողովի կողմից:

Ավելի վաղ ՀՀ ԱԺ «Իմ քայլը» խմբակցության պատգամավորներ Բաբկեն Թունյանն ու Վարազդատ Կարապետյանն առաջարկել են հասցնել նվազագույն աշխատավարձը 63,000 դրամի:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ