Ինչպե՞ս կանդրադառնա առաջարկվող փոփոխությունը ԲՈՒՀ-երի ֆինասական հաշվարկներին․ Արմենուհի Կյուրեղյանը՝ ՔՊ-ական պատգամավորին

ՔՊ-ն  մշակել է նախագիծ, որով նախատեսվում է փոփոխություն կատարել  Հարկային օրենսգրքում , սակայն՝  բարձրագույն կրթության  համատեքստում։ Նախագիծը հիմնականում վերաբերվում է  սոցիալապես անապահով ընտանիքների ուսանողներին, պատերազմի մասնակիցներին,  սահմանամերձ բնակավայրերի, շատ ուսանողներ ունեցող ընտանիքներին՝ ուսանող-բուհեր հարաբերություններին։ Մասնավորապես ներկայացված նախագծով  հնարավորություն կտրվի  2016թ. ապրիլյան և  2020թ. 44-օրյա պատերազմների հետևանքով մարտական գործողությունների մասնակիցների և նրանց ընտանիքի անդամների,  մարտական հերթապահություն իրականացրած ուսանողների թվի ավելացման պայմաններում ուսանողական նպաստի ձևով  ուսման վարձի մասնակի փոխհատուցում տրամադրել շահառուների ավելի մեծ շրջանակի:

«Հայաստան» խմբակցության պատգամավոր Արմենուհի Կյուրեղյանը  հիմնական զեկուցող Գևորգ Պապոյանին հարցրեց, թե արդյո՞ք քննարկել են պետական բուհերի հետ, թե առաջարկվող փոփոխությունն ինչպե՞ս կանդրադառնա նրանց ֆինանսական հաշվարկներին , արդյո՞ք դրական կամ բացասական եզրահանգումներ են տվել ԲՈւՀ-երը։  Պապոյանն ասաց, որ եզրակացությունները եղել են դրական։

Մանրամասն՝ տեսանյութում։