Նիկոլ Փաշինյանի հույսը «Մանկական Եվրատեսիլն» է

2022 թվականի մայիսի 21-31-ը Երևանում անցկացվելիք բռնցքամարտի մեծահասակների Եվրոպայի առաջնության կազմակերպման և անցկացման համար «Հայաստանի Հանրապետության բռնցքամարտի ֆեդերացիա» հասարակական կազմակերպությանը պետական բյուջեից հատկացվեց ֆինանսական աջակցության՝ 77 մլն 768 հազար դրամ գումարի չափով:

Նիկոլ Փաշինյանը հիշեց, որ այս տարի Հայաստանում ևս մեկ համաեվրոպական նշանակության միջոցառում կա՝ «Մանկական Եվրատեսիլը». Մարզահամերգային համալիրին գումար են հատկացրել, որ պատրաստվեն:

Նա նշեց, թե այս միջոցառումները լավ առիթ են, որ տուրիստական ընկերությունները ակտիվանան ու տուրիստական հոսքերը վերականգնվեն:

Էկոնոմիկայի նախարար Վահան Քերոբյանն էլ ասաց, թե ևս երկու խոշոր միջոցառում կա Հայաստանում.

« Մեկը ՄԱԿ-ի World  Turism Organisation-ի տարեկան համաժողովն է, որ պետք է անցնի Հայաստանում հունիսի 1-3-ին: Մենք փորձելու ենք այդ միջոցառումը Գյումրիի Սեւ բերդում անցկացնել, այսինքն նաեւ մի քիչ ապակենտրոնացնել: Նաեւ սեպտեմբերին անցկացվելու է «Ստրազմուս» աստղագիտական համաժողովը, որին մասնակցելու է 6 նոբելյան մրցանակակիր: Այս բոլորը ոչ միայն զբոսաշրջային ակտիվություն կբերեն, այլև կակտիվացնեն նաև տնտեսությունը»: