ԲԴԽ-ն ունի համապատասխան ռեսուրսներ՝ ներդնելու էլեկտրոնային մակագրման համակարգը․ ԲԴԽ նախագահ

«3 դեպք եղել է, որով հետաքրքրություն է առաջացել  մակագրման համակարգի նկատմամբ , բայց փաստացի մակագրման համակարգը չի առգրավվել, այսինքն նույն կերպ շարունակվել է , բայց միաժամանակ քննությունը կատարվել է, այսինքն իրավապահներն իրենց գործառույթն իրականցրել են, բայց մակագրման համակարգը չի խաթարվել»,-ԱԺ –ում հրավիրված քննարկման ժամանակ իր խոսքում նշեց Արամ Վարդևանյանը։

Հարցն ուղղելով ԲԴԽ նախագահ  Ռուբեն Վարդազարյանին Վարդևանյանը հետաքրքրվեց․

«Ինչպե՞ս է ստացվում, որ Ձեր լիազորությունները կասեցվում են ու դրանից հետո,  3 դեպքից զատ,  տեղի է ունենում 4-րդ դեպքը , բայց այս անգամ համակարգն առգրավվում է  ԲԴԽ համաձայնությամբ, և միգուցե օժանդակությամբ»։

«Եթե ես պաշտոնավարեի այդ օրերին, երբ առգրավվել էր, կընդդիմանայի, կփորձեի քննիչին  համոզել, որ, միգուցե, այլ եղանակ ընտրվի և դատական իշխանության այնպիսի կարևոր գործիք, ինչպիսին  պատահականության սկզբունքով մակագրման համակարգն է , այդ համակարգը չառգրավվել, իսկ առգրավվելուց հետո առնվազն նամակներով , հայտարարություններով հանդես կգայի կասեի , որ հնարավորինս շուտ այդ փորձաքննությունը կատարվեր և համակարգը վերադրձվեր։ Վստահաբար պնդում եմ որ և՛ ԲԴԽ-ն  համապատասխան ռեսուրսներ ունի , և՛ կառավարությունը․   կարելի էր շատ արագ մեկ ծրագիր բերել  ներդնել՝ ապահովվելու պատահականության սկզբունքով մակագրելու ինստիտուտը «,-ասաց Վարդազարյանը։

Պատգամավոր Արամ Վարդևանյանն էլ  հիշեցրեց , որ հիշյալ  համակարգը ԵՄ, միջազգային կառույցների գործուն աջակցությամբ  էր ներդրվել ։