Շուշին սկուտեղի վրա մատուցողին հնարավոր չէ նույնացնել Շուշին ազատագրողին․ Պլանավորած պարտությունը սվաղել անհնար է․ Նարեկ Մանթաշյան

Նարեկ Մանթաշյանը ֆեյսբուքյան իր էջում գրում է․

Տեսա Թաթուլ Հակոբյանի Tatul Hakobyan մի ստատուս , որտեղ ականատեսի աչքերով փորձում է ինչ որ բան ապացուցել: Ունեմ հետևյալ հարցերը, որոնք պահանջում են շատ կոնկրետ և ոչ լղոզված պատասխաններ: Իբրև ոչ թե ականատես, այլ մասնակից իրավունք ունեմ ստանալ այս հարցերի պատասխանները և չթողնել որպիսի զգացմունքային կիսաճշմարտությունները վերածվեն ստի արդեն պատերազմից մեկ տարի հետո:
1. Նախագահ Քոչարյանը խոսել էր այն մասին, որ բնագծեր չեն եղել Հադրութից մինչև Շուշի հատվածում, Թաթուլ Հակոբյանը փորձելով սվաղել այս թեման նույնիսկ չի անդրադառնում դրան: Եթե տեղյակ է այդ ճանապարհին եղած որևէ բնագծի / հուսամ հասկանում է բնագիծ և փոս բառեր տարբերությունը/ թող նշի որևէ կահավորված բնագծի հատված որտեղ մարտեր են մղել կազմակերպված զորամիավորումներ/ գաղտնիք վրա հղումով պատսախանից խուսափելը չի օգնի քանի որ այդ տարածքներում վաղուց թշնամին է/: Մարտունի Կարմիր-Շուկա Շոշ ուղղուոթյունը, որը պահվել է անտեսելով դեպի Շուշի գնացող հարվածը խնդրում եմ չնշել, Մարտունին այլ կողմ է Շուշին՝ այլ:
2. Թաթուլ Հակոբյանը նշում է մարտերի մասին և ՛՛պատահաբար նշում է Շուշին ներառյալ միայն 4 բնակավայրին անուն որոնք գտնվում են Շուշիի անմիջապես մոտակայքում: Փառք և պատիվ այդտեղ զոհված և մարտնչած բոլոր մեր հերոսներին: Բայց Հադրութից Շուշի միայն այդ 4 բնակավայրը չեն և կան տասնյակից ավելի բնակավայրեր, որոնց ճնշող մեծամասնությունը հանձնվել է առանց կրակոցի: Իսկ որտեղ էլ եղել է մարտ, այդ մարտերը վարել են տեղի կամ կամավորական փոքր ջոկատներ, որոնք պարզապես ի վիճակի չէին դիմակայելու , առավել ևս ինչպես նշեցինք չեղած բնագծերով: Թաթուլ Հակոբյանին խնդրում եմ այդ տասնյակից ավելի բնակավայրերի մոտ եղած որևէ նորմալ բնագիծ և որևէ կանոնավոր ստորաբաժանում որը համակարգված մարտ է տվել դեպի Շուշի շարժվող թուրքերի հետ:
3. Թուրքերը Շուշի մտել և մինչ այդ դեպի Շուշի Հադրութից շարժվել են առանց ծանր տեխնիկայի և մաքսիմում պիկապներով: Հարց ԹաթուլՀակոբյանին . հնարավոր էր Հադրութից հասնել Շուշի եթե այդ չզրահավորված զորախմբի ճանապարհին լիներ պաշտպանական բնագիծ և մարտ ընդուներ կազմակերպված և լավ ղեկավարվող կանոնավոր զորախում: Իհարկե ոչ: Թաթուլ Հակոբյանին մի խորհուրդ . Փաստերը ահավոր բաներ են և 3 գյուղը դա մոտ 15 բնակավայր չէ, իսկ Շուշին սկուտեղի վրա մատուցողին հնարավոր չէ նույնացնել Շուշին ազատագրողին:
Հ.Գ Պլանավորած պարտությունը սվաղել անհնար է: