21 09 2021

Ցավոք, վերջին երեք տարիներին ՀՀ-ում վարվող քաղաքականությունը լրջագույն կորուստների հանգեցրեց․ «Հայաստան» դաշինք

«Հայաստան» դաշինքն ուղերձ է հղել ՀՀ անկախության 30-ամյակի առիթով:

«Երեսուն տարի առաջ՝ 1991թ․ սեպտեմբերի 21-ին, ՀՀ քաղաքացիներն Անկախությանն ասացին՝ այո։ Մենք ընտրեցինք ազգի կազմակերպվածության բարձրագույն ձևը՝ անկախ պետականությունը, համոզված լինելով, որ ինքնության, արժանապատվության, խաղաղության և արարումի մեր ճանապարհն անցնելու ենք ազգային միասնականությամբ, անասելի դժվարություններով, բայց անկոտրում նվիրումով ու հաստատակամությամբ։

Անկախության երեսուն տարիները ձեռքբերումների, Արցախի ինքնորոշման համար պայքարի, փորձությունների, արժանապատիվ և ստեղծարար խաղաղություն հաստատելու տարիներ են եղել, որոնք ամրագրվել են Հայրենիքի անկախության, ազատության ու նրա խաղաղության համար հազարավոր քաջորդիների բացարձակ նվիրումով, հայրենի հողն արյամբ արժևորելու նրանց աննահանջությամբ։
Պետականաշինության մեր հաջողությունների կողքին եղել են նաև բացթողումներ, որոնք, սակայն, խմբագրելի էին և չէին կարող սպառնալ մեր ինքնիշխան պետականությանը։

Ցավոք, վերջին երեք տարիներին ՀՀ-ում վարվող քաղաքականությունը լրջագույն կորուստների հանգեցրեց՝ խաթարելով Հայաստան-Արցախ անվտանգային միասնական համակարգն ու սպառնալով ՀՀ ինքնիշխանությանը։

Այսօր, ավելի քան երբևէ, Անկախության երեսուներորդ տարեդարձին, մեզ՝ ողջ հայ ժողովրդին, միասնականություն, կամք և ոգի է անհրաժեշտ՝ մի կողմից գնահատելու անցյալի մեր ձեռքբերումները, արժևորելու մեր պետականության կերտման ու պահպանման համար սերունդների ճիգը, հայրենի հողի համար թափված հազարավորների իմացյալ զոհաբերությունը, մյուս կողմից՝ նոր վերելքի ուղիներ գտնելու և միասնաբար կասեցնելու երկրի կործանարար ընթացքը։

Սիրելի հայրենակիցնե՜ր, աշխարհասփյուռ հայե՜ր, շնորհավորում ենք ՀՀ Անկախության 30-ամյակի կապակցությամբ և վստահեցնում, որ միասին կարող ենք Հայաստանին նոր զարթոնք ու հաղթանակներ բերել», - ասված է ուղերձում:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Հայաստան դաշինք | ուղերձ

Դիտել նաև

Մամուլի տեսություն 16 04 2024

Ուղերձն ավելի քան հստակ է, տեսանելի ու հասկանալի. «Հրապարակ»

Ոսկեպարի Սուրբ Աստվածածին եկեղեցու տեսահոլովակը 2 օրվա ընթացքում 2 մլն-ից ավելի դիտում է ունեցել

Քաղաքական 15 04 2024

Հիմա ի՞նչ ուղերձ են հղում քաղաքացիները կառավարությանը․ 168․am

Մարդիկ չեն կարող անգամ մի քանի օրվա կտրվածքով պլանավորել իրենց ապագան

Քաղաքական 19 03 2024

Ուղերձս Երևանին ու Բաքվին նույնն է․ Ստոլտենբերգ

2 կողմն էլ պետք է տեսնի այդ հնարավորությունը, հաղթահարի հակասությունները և համաձայնության գա տևական խաղաղության շուրջ․ ՆԱՏՕ-ի գլխավոր քարտուղար

Քաղաքական 08 08 2023

Անհապաղ կերպով գործել ու կասեցնել Արցախի ժողովրդի ցեղասպանությունը, քանի դեռ ուշ չէ․ Արայիկ Հարությունյանի կոչը

Արցախի Հանրապետության նախագահն ուղերձ է հղել միջազգային հանրությանը

Քաղաքական 27 07 2023

Արցախի Հանրապետության Ազգային ժողովի ուղերձը

Վերահաս ողբերգությունը կանխելու միակ միջոցը Լեռնային Ղարաբաղի (Արցախի) Հանրապետության անկախության ճանաչումն է․ հայտարարություն

Ուղիղ 21 07 2023

Արցախի Հանրապետության խորհրդարանը արտահերթ նիստ է անում․ ՈւՂԻՂ

Արցախի ԱԺ-ն արտահերթ նիստով ընդունում է ուղերձ․ ՈւՂԻՂ