Սյունիքում գեթ մեկ մարդ չհանդիպեցի, որ ասեր իր ձայնը տվել է գործող իշխանությանը. Զարուհի Փոստանջյան

«Սյունիքում կար ընդհանուր տրամադրություն, որ պետք է ոտքի կանգնեն ոչ միայն Սյունիքի համար, այլև ազատագրեն Երևանը, քանի որ Երևանն այսօր գտնվում է թշնամու ձեռքում»,-այս մասին նշեց «Երկիր ծիրանի» կուսակցության առաջնորդ Զարուհի Փոստանջյանը՝ հրավիրված ասուլիսի ժամանակ:

 Զարուհի Փոստանջյանը, ինչպես ինքը նշեց, նոր է վերադարձել Սյունիքից. երեք օր շրջել է մարզում, եղել տարբեր բնակավայրերում. ուստի  բնակիչերի հետ ունեցած զրույցների, տեսածի ու լսածի մասին մանրամասնելով նշեց.

«Կոմբինատը կանգնած է, այդտեղ աշխատողները զրկված են աշխատելու իրավունքից: Կար մտավախություն, որ Ագարակի կոմբինատը կարող է նման ճակատագիր ունենալ: Հասկանում են, որ հատուկ քաղաքականություն է վարվում, քանի որ սյունեցիները բավականին ամուր կպած են իրենց հողին, մտադրություն չունեն գաղթելու, անշարժ գույքի գները պահպանվել են նույն մակարդակի վրա: Սա խոսում է այն մասին, որ սյունեցիները մտադրություն չունեն թողնելու իրենց հայրենիքը, հետևաբար պետք է խթանել գործազրկությունը, ինչն էլ տեղի է ունենում»,-ընդգծեց  Զարուհի Փոստանջյանը:

Խոսելով իր մի ուշագրավ դիտարկման մասին բանախոսը նշեց.

«Սյունիքում գեթ մեկ մարդ չհանդիպեցի, որ ասեր իր ձայնը տվել է գոծող իշխանությանը, և իրենց համար էլ էր հանելուկ, թե ինչպես են այդ թվերը գրանցվել».

Մանրամասները՝ տեսանյութում