Փաստորեն կադրային ջարդ ասածը Դավթաշենում անում եք ի հաշիվ մեր ժողովրդի. Ռուսլան Բաղդասարյան

Դավիթաշենի նախկին թաղապետ Ռուսլան Բաղդասարյանը գրում է․

«Հայկ Մարության, որդնած ենթականերիդ ասա՝ թող իրենց փչացածությունը թողնեն իրենց տանը ու հերիք է այն բերեն քաղաքային կառավարում: Երեք տարի « կարգին » ապականել են կառավարումը:

Հիմա էլ ինտելեկտուալ և արժեքներ ստեղծող մարդկանց են հեռացնում մեր կրթական ու մշակույթային կյանքից, որովհետև տեսանյութում հիշել են տարիներ շարունակ կատարված մի փոքր լավ աշխատանք:

Մենք մեր թաղամասի, մեր ժողովրդի համար կատարած աշխատանքը չենք կուսակցականացնում, իսկ դուք, սուկանե՛ր, կուսակցականացրել եք:

Փաստորեն կադրային ջարդ ասածը Դավթաշենում անում եք ի հաշիվ մեր ժողովրդի:

Մինչև հիմա կարծում էի դու և քո ենթակաների փոքրոգության հատակին եք հասել, բայց արի ու տես՝ ձեր տգիտությունը և ատելությունը դեպի ամեն արժեք կրող մարդկանց, անհատակ է:

Ինչևէ, ուրեմն ձեր պատիժն էլ կլինի համարժեք: Ամեն մի անձի համար, որին նեղացրել եք մինչև հիմա, կամ կնեղացնեք այսուհետ, պատասխան եմ ստանալու ձեզնից, ընենց եմ ստանալու, որ ձեր ծծաց կաթը գա բերաններդ:

Իսկ իմ հարազատ թաղամասի բնակիչները ինչպես ուս ուսի տված ձեզանից առաջ էին ծաղկեցնում մեր հանրույթը, այդպես էլ ձեզանից հետո են անելու: Եվ ես նրանց կողքին եմ իմ ամբողջ ջանքով ու եռանդով»: