Մտավորականները, որոնք հայտարարում են, թե քաղաքականությամբ չեն զբաղվում, համարում եմ առնվազն փարիսեցիություն․ Սրապիոնյան

Եթե լինեին երանելի ճահճացման տարիները մտավորականները քաղաքականությամբ չէին զբաղվի։ Այս ամսին ասուլիսի ժամանակ ասաց գրականագետ Սերժ Սրապիոնյանը։

 «Բայց երբ քաղաքականությունը եկել մտել է իմ տուն իմ կորած զինվոր տղայի տեսքով, դա քաղաքականություն է, թե՞ քաղաքականություն չի: Ես խոսում եմ արյան գնի մասին, որ գնացել է, որ հայրենիքը փրկվի, իսկ մեզ վերադարձնում են «Ինչ պետք է, նա էլ բանակցում ենք» արտահայտությամբ և դա արդարացնելու համար ժող ջան»-ին ենք վկայակոչում, սա արդեն համատարած քաղաքականացված իրականություն է: Այսօր այն մտավորականները, ես խոսում եմ ինձ հարող մտավորականների անունից, որոնք հայտարարում են, թե իրենք քաղաքականությամբ չեն զբաղվում, ես դա համարում եմ առնվազն փարիսեցիություն և դա շատ մեղմ գնահատական է: Եթե ես այս պայմաններում չզբաղվեմ քաղաքականությամբ, ինչ պետք է համարեմ ապազգային, հակահայ տարր»,- ասաց Սրապիոնյանը:

Նշենք, որ մտավորականները «Ձայն հայրենյաց» նախաձեռնություն են ստեղծել, որի նպատակը ստեղծված ծանր իրավիճակում համախմբվելն է։

Մանրամասն՝ տեսանյութում։