Ինչու՞ մեկնումեկդ ծպտուն չէր հանում, երբ ձեր բոսը դատավորներին «վնգստացող» էր անվանում․ Մելիքյանը՝ իմքայլականներին

«Իրավական ուղի» ՀԿ համահիմնադիր Ռուբեն Մելիքյանը ֆեյսբուքյան իր էջում գրել է․

«Իմ քայլի» մինյոնները շրջանառության մեջ են դրել նախագիծ, որով ցանկանում են Նաիրա Զոհրաբյանին զրկել ԱԺ մարդու իրավունքների հանձնաժողովի նախագահի պաշտոնից։ Հիմնավորումն այն է, որ տիկին Զոհրաբյանը ՖԲ իր անձնական էջում մի գրառման մեջ բացասական իմաստով օգտագործել է «ժեխ» բառը՝ այդպես բնութագրելով հայրենիքը հանձնողներին պաշտպանող մարդկանց։

Սա, իհարկե, մանրախնդիր ու աթոռամոլ մինյոնների մակարդակի հարց է։ Էս աղետի ու գահավիժման շրջանում՝ հազիվ իրենց համար անելիք են գտել, որ գալստուկները կապեն, գան լուրջ-լուրջ նստեն դահլիճում ու «վաստակեն իրենց աշխատավարձը»։

Բայց դե, ա՛յ մինյոններ, ձեռի հետ հարցեր տամ՝ մի քիչ մտածեք։

Առաջին, որ տենց նրբանկատ եք, ինչու՞ չբարձրացրեցիք ավագ մինյոնի տեղակալ Լենայի պաշտոնանկության հարցը, երբ իր ՖԲ անձնական էջում տարածել էր մի քանի «սուտի-կռվողների» ուղերձը՝ լի սպառնալիքներով, այդ թվում նույն Նաիրա Զոհրաբյանին ներքնազգեստ ուտեցնելու սպառնալիքով։ Հը՞: Ինչու՞ Լենային չաթոռազրկեցիք։

Երկրորդ, ինչու՞ մեկնումեկդ ծպտուն չէր հանում, երբ ձեր ազգադավ բոսը դատավորներին «վնգստացող» էր անվանում, դիվանագետներին էլ՝ «կոշիկ լիզող»։

Մի խոսքով, ձեր «մինյոնային» օրակարգը՝ ձեր գլուխը։ Մարդ չեք էղել, չեք էլ դառնա, ա՛յ բաջիներ ու օղլաններ»։