Դուք ապրում եք տնփեսու հոգեբանությամբ, այն էլ՝ երեւի զոքանչ–կառավարչի շնչառության ռիթմի տակ․ Ռուբեն Հակոբյան

Քաղաքագետ, քաղաքական գործիչ Ռուբեն Հակոբյանն իր ֆեյսբուքյան էջում գրել է․

«Այսօր մասնակցում էի ԱԺ–ում լսումների: Նույնիսկ ցուցակագրվել էի ելույթի համար: Այն հիմնականում ուղղված էր լինելու «Իմ քայլը» խմբակցությանը: Պարզվեց, նրանք բոյկոտել են լսումները: Ես հրաժարվեցի շարունակել մասնակցությունս լսումներին: Ուզում էի նրանց նայելով խոսքս ասել...

Լավ, ուրիշ որտե՞ղ կարելի է ձեզ հետ քննարկել, բանավիճել, երբ դուք փախչում եք ձեր քաղաքական տանից, Կառավարությունից, կառավավարության առանձնատներից...

Գուցե կասեք Հանրայինի Պետրոսի մո՞տ... Նա էլ, երբ քննադատական խոսք է լսում Նիկոլի հասցեին, այն աստիճան է հոգեխանգարմունքի մեջ ընկնում, որ հազիվ ես քեզ զսպում բաժակով ջուրը երեսին շփելու գայթակղությունից:

Դուք ապրում եք տնփեսու հոգեբանությամբ, այն էլ՝ երեւի զոքանչ–կառավարչի շնչառության ռիթմի տակ:

Վախեցած–մոլորվածի ձեր այս քայլերով, դուք ստիպում եք ժողովրդին՝ ճնշման միջեցով ձեզ հեռացնել իշխանությունից:

Եվ, կարծում եմ, հեռու չէ այդ օրը... Նույնիսկ՝ շատ է մոտ...

Կոչ եմ անում հասարակությանը՝ մասնակցել «Հայրենիքի փրկության շարժման» բոլոր մասսայական միջոցառումներին, որոնք սկսվելու է վաղվանից»: