04 12 2020

Նիկոլով չի ավարտվելու Հայաստանը, այլ Նիկոլից հետո սկսվելու է այն. Արտակ Զաքարյան

Նիկոլով չի ավարտվելու Հայաստանը, այլ Նիկոլից հետո սկսվելու է այն. Արտակ Զաքարյան

ՀՀ պաշտպանության նախարարի նախկին տեղակալ Արտակ Զաքարյանը ֆեյսբուքի իր էջում գրում է.

«Ալիևը շարունակում է իր հոխորտանքները: Օգտվելով Նիկոլի ու իր իշխանության անօգնական, բարոյալքված ու հեղինակազրկված վիճակից, առիթը բաց չի թողնում Հայաստանին, հայ ժողովրդին ու նախկին նախագահներին հաթաթա տալու համար:

Այո, այսօր մենք կանգնած ենք ներքաղաքական ու տարածաշրջանային բարդ իրավիճակի առջև: Բայց ալիևները թող շատ չհրճվեն: Օգտվելով Նիկոլի ու իր դիլետանտ անպիտանների ստեղծած քաոսային կառավարում-խառնաշփոթից, օգտվելով Նիկոլի սխալ արտաքին քաղաքականությունից, դավադիր պատերազմով բզկտեց Արցախը: Թող իմանա, որ դրանով Արցախյան հիմնահարցը ավարտված չէ: Նա դեռ պատասխան է տալու մեր զոհված տղաների արյան համար, հայկական գյուղերի և սրբավայրերի ավերակների համար, Հայաստան պետության դեմ իր բոլոր ոտնձգությունների համար: Նա դեռ պատասխան է տալու տեռորիստներին պատերազմ բերելու համար, տարածաշրջանում շահերը փոխելու համար, պատերազմի ընթացքում միջազգային դերակատարներին անտեսելու ու այլ հանդգնությունների համար: Քաղաքական ժամացույցը երբեք կանգ չի առնում:

Նիկոլով չի ավարտվելու Հայաստանը, այլ Նրկոլից հետո սկսվելու է այն: Հայաստանը դեռ պետք է ասի, թե որտեղ են սկսվում և ավարտվում պատերազմի ու խաղաղության սահմանները: Առաջիկա տարիները որոշիչ են լինելու մեր տարածաշրջանի համար: Տարբեր հնարավորություններ կան, որ պետք է կյանքի կոչվեն: Դրա համար մեծ, տքնաջան, խելամիտ ու հետևողական աշխատանքներ են պետք:

Քաղաքականության մեջ չկա անհնարին ոչինչ, կա դրան հասնելու կարճաժամկետ ու երկարաժամկետ նպատակներ: Ես հավատում եմ, որ ապագա Հայաստանն ու Արցախը իրենց վրային մաքրելու են ամոթի ու ընկճվածության այս խարանը:

Մենք ունենք իրական դաշնակից՝ ի դեմս Ռուսաստանի Դաշնության և շատ բարեկամներ: Մենք ունենք հավերժական շահեր, մենք ունենք այս պատերազմի բովով անցած խիզախ ժողովուրդ, ում հիշողությունը ոչ ոք գողանալ չի կարող:

Հաշվի առնելով Նիկոլի թողած տխուր և ողբերգական ժառանգությունը, վստահ եմ, որ ապագա Հայաստանը  կարողանալու է սրբագրել իր բոլոր սխալները, և բաց չի թողնելու ոչ մի իրական հնարավորություն»:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ