Վազգեն Մանուկյանի անցած ճանապարհը, փորձը նրան չվստահելու որևէ տեղիք չի տալիս․ Կարեն Բեքարյան

Քաղաքագետ Կարեն Բեքարյանն իր ֆեյսբուքյան էջում գրել է․

«Վազգեն Մանուկյանի դավանած արժեքները, անցած ճանապարհը, գիտելիքը, փորձը, ամենածանր իրավիճակներում որոշումներ կայացնելու ունակությունը, ռիսկերը հաշվարկելու կարողությունը (ցանկը կարելի է շարունակել)` նրան չվստահելու որևէ տեղիք չեն տալիս»:

Հիշեցնենք, որ Վազգեն Մանուկյանը իր հայտարարության մեջ ասել էր․ «Հայրենակիցնե՛ր, Մենք այժմ, չնայած մեր ժողովրդի հերոսական պայքարին, ապրում ենք մեր պատմության ամոթալի և կործանարար էջերից մեկը։ Այս մասին հայտարարություն է տարածել ՀՀ Պաշտպանության նախկին նախարար, նախկին վարչապետ Վազգեն Մանուկյանը։

«Վտանգված է ոչ միայն Արցախը, այլև Հայաստանը և հայության ապագան։ Կարելի՞ է արդյոք փոխել իրավիճակը, բեկում մտցնել։ Այո՛։ Բայց ոչ ներկա կառավարման օրոք։ Ի՞նչ է պետք անել։

1․ Այս կառավարությունը պետք է հրաժարական տա՝ բանակին հանձնելով ողջ իշխանությունը, ընդ որում դա պետք է անի կամավոր, առանց ցնցումների, որոնք կարող են կործանարար լինել։

2․ Բանակը, իր ձեռքը վերցնելով ողջ իշխանությունը, պետք է կազմի միասնական Պաշտպանության կոմիտե Արցախի հետ միասին՝ կազմակերպելով պատերազմական ներկա իրավիճակին անհրաժեշտ միջոցառումները, ապահովելով վստահություն և գնալով բանակցությունների շահագրգիռ պետությունների, միջազգային կառույցների հետ։ Սա միակ փրկությունն է։ Հակառակ դեպքում մենք կարող ենք կորցնել ամեն ինչ»։