Ի՞նչ արդյունքներ արձանագրվեցին ԵԱՏՄ անդամ երկրների վարչապետների երևանյան հանդիպմանը. Արամ Սաֆարյան

Եվրասիական փորձագիտական ակումբի համակարգող Արամ Սաֆարյանը շնորհակալություն է հայտնում ԵԱՏՄ անդամ երկրների վարչապետներին և մյուս պատվիրակներին, որոնք Արցախում ընթացող լայնամասշտաբ պատերազմի պայմաններում ժամանեցին Հայաստան և  մասնակցեցին Եվրասիական միջկառավարական խորհրդի նիստին, որը կայացավ հոկտեմբերի 9-ին՝ Երևանում:
 Sputnik Արմենիա  մամուլի կենտրոնում Մոսկվայի փորձագետների հետ տեսակամուրջի ժամանակ հոկտեմբերի 12-ին քննարկվում էին  Էներգետիկ անվտանգության և ԵԱՏՄ անդամ երկրների համար  միասնական  սակագների ձևավորման  հարցերը:

Երևանյան հավաքի ժամանակ օրակարգային հարցերի շրջանակը՝ ըստ Արամ Սաֆարյանի՝ էներգակիրների՝ գազի եւ նավթի, ընդհանուր շուկայի ձևավորումն է եղել,  ինչում առավելապես հետաքրքրված են Հայաստանը, Բելառուսը:

Ըստ բանախոսի՝ միության անդամ ևս երկու երկրներ են սկսել այս հարցի շուրջ հետաքրքրություն դրսևորել, ուստի, նա կարևոր է համարում Երևանում հնչած հայտարարությունը, որ մինչև 2020 թվականի ավարտը կհստակեցվեն այս խնդրի լուծման մեթոդոլոգիական հիմքերը:

Հիշեցնենք, որ ըստ ԵԱՏՄ համաձայնագրի՝ մինչև 2025 թվականը միությունում պետք է գործի վառելիքային էներգետիկ ռեսուրսների միասնական շուկա, ինչը, ենթադրվում է, որ էականորեն կնպաստի միության ներսում ինտեգրացիային եւ զարգացման տեմպերին: