Մենք կաշխատենք ԱՄՆ ցանկացած նախագահի հետ, ում կվստահի ԱՄՆ ժողովուրդը. Վլադիմիր Պուտին

Ցանկացած երկրի նախագահի թեկնածուների դիրքորոշումները, ներառյալ այդքան մեծ տերության, ինչպսիսն ԱՄՆ է, պետք է գնահատեն միայն այդ երկրի ընտրողները: Այս մասին ասել է ՌԴ նախագահ Վլադիմիր Պուտինը «Россия 24»-ին տված հարցազրույցում՝ անդրադառնալով հարցին, թե ինչպես է վերաբերվում ԱՄՆ նախագահի թեկնածուներին:

Նշենք, որ լրագրողը հարց է ուղղում ՌԴ նախագահին, թե ում թեկնածությունն է պաշտպանում՝ Թրամփին, թե Բայդենին, հատկապես որ Բայդենը Թրամփին անվանել է Պուտինի թեկնածու:

«Երբ ինչ-որ մեկը փորձում է նվաստացնել կամ վիրավորել պետության ներկայիս ղեկավարին, այս դեպքում, ձեր նշած համատեքստում, նրանք ինչ-որ կերպ բարձրացնում են ինձ և ձեզ, խոսում մեր անհավանական ազդեցության և ուժի մասին: Որոշ չափով սա, ինչպես ասում է մեր ժողովուրդը, ջուր է լցնում մեր ջրաղացին: Բայց կրկնում եմ ՝ դա մեր գործը չէ, թող իրենք որոշեն»,-ասել է ՌԴ նախագահը: