31 07 2020

Ինչպես վարվել օտարերկյա գործակալների հետ․ Անդրանիկ Թևանյան

Ինչպես վարվել օտարերկյա գործակալների հետ․ Անդրանիկ Թևանյան

Թուրք–ադրբեջանական զույգը Հայաստանում ունի իրեն սատարող լրատվամիջոցներ, որոնք զուգահեռաբար քարոզում են գործող իշխանության օգտին ու քննադատում իշխանության ընդդիմախոսներին։ Այս մասին գրառում է կատարել «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը:

«Թուրքական 5–րդ շարասյունը գործում է առանց դիմակ և առանց մեր երկրի շահերից «սոցիալական հեռավորություն» պահելու՝ ախտահարելով տեղեկատվական, հասարակական ու քաղաքական միջավայրը։

Պատերազմական ռեժիմով ապրող Հայաստանն ունի՞ իրեն սատարող լրատվամիջոցներ Թուրքիայում և Ադրբեջանում։ Սա հռետորական հարցերի շարքից է։

Ի դեպ, ԱՄՆ–ում, իրենց անվտանգային շահերից ելնելով, պաշտոնապես որպես «օտարկերյա գործակալ» են գրանցել, օրինակ, ռուսական RT լրատվամիջոցին (այն ղեկավարում է հայազգի Մարգարիտա Սիմոնյանը)։ Խոսքի ազատությունը, ֆլանը, ֆստանը նման դեպքերում չեն աշխատում, բնականաբար։ Թշնամական երկրի շահերը սպասարկող լրատվամիջոցի դեմ պայքարը ոչ թե պայքար է ազատ խոսքի դեմ, այլ անվտանգության շահերից բխող գործառույթ է»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ