Եվրոպան ՄԵԶ «խաղաղության էր պատրաստում», իսկ ազերիներին՝ ոչ․ Ռուբեն Մելիքյան

Իրավապաշտպան Ռուբեն Մելիքյանը գրում է․

«Մենք միշտ տեսնում ենք մարդկանց - նրա՛նք են տեսանելի դերակատարները, բայց հազվադեպ ենք կարողանում մտովի «անջատել» մարդկանց ու տեսնել «չոր» գաղափարները։

Տարիներ ի վեր՝ մեր հանրային կյանքի կարեւորագույն գաղափարական բախումը, պայմանական ասած, «պատերազմի պատրաստվողների» եւ «խաղաղության պատրաստվողների» միջեւ էր (անվանենք լատիներեն՝ para bellum-ներ եւ para pacem-ներ): Եվ տարիներ ի վեր «պացեմությունը» շատ մոդայիկ էր - այդ գաղափարախոսությանը հաջողվել էր իրեն ասոցացնել առաջադիմության, իրավականության, բարեկեցության հետ։

Իսկ այսօ՞ր։ Այսօր «պացեմությունը» այն աստիճան խայտառակված գաղափար է, որ թերեւս արդեն վտանգավոր էլ չէ։ Այն պարտվել է հենց գաղափարակա՛ն տիրույթում - այլեւս ո՛չ առաջադիմության հետ է ասոցացվում, ո՛չ իրավականության եւ ո՛չ էլ բարեկեցության։

«Պացեմությունը» այն աստիճան խայտառակված գաղափար է, որ այդ խայտառակությունը մեխանիկորեն տարածվում է «պացեմության» հիմնական հովանավորի՝ Եվրոպայի վրա, որը ՄԵԶ «խաղաղության էր պատրաստում», իսկ ազերիներին՝ ոչ։

«Պացեմությունը» այն աստիճան խայտառակված գաղափար է, որ դրա նախկին մոլի տարածողներից շատերը հիմա կա՛մ հակառակ դիրքերից են հանդես գալիս, կա՛մ պարզապես լռում են։

«Խաղաղությո՞ւն ես ուզում։ Պատրաստվի՛ր պատերազմի»։