19 06 2020

Փաշինյանն իշխանություն չունի, նրա իշխանությունը մի քանի ուժայիններ են․ Սամսոնյան



Ընդդիմությունը շատ հստակ պետք է ֆիքսի այն, ինչ որ կա, մենք այս պահին գործ ունենք ուժային լեգիտիմության աղբյուրներն ամբողջությամբ քայքայած քաղաքական իշխանության հետ, ժողովուրդն այլևս Նիկոլ Փաշինյանի հետ չէ: Այս մասին ֆեյբուքյան ուղիղ եթերով ասաց «Քաղաքացիական գիտակցություն» ՀԿ  ղեկավար Նարեկ Սամսոնյանը:

«Նիկոլ Փաշինյանը չի կարողացել ստեղծել համակարգեր, որոնք ժողովրդի` իր կողքին կանգնելու բացակայության դեպքում կարողանալու է սպասարկել:

Նիկոլ Փաշինյանն այլևս իշխանություն չունի Հայաստանում: Նրա ունեցած իշխանությունը մի քանի ուժայիններն են, որոնց միջին սպայական անձնակազմի 99%-ը ամբողջությամբ չի ենթարկվելու Նիկոլ Փաշինյանին, այդ մասին  հավաստող բազմաթիվ օրինակներ կան»,- ասել է նա:

Ըստ նրա` վարչապետ Փաշինյանն այլևս չի կարող վերահսկել իրադրությունը երկրում, և այդ ընթացքում նրա հանդեպ ժողովրդի վստահությունը անկում է ապրում.

«Նիկոլ Փաշինյանն ունի ուժեղ մասկով տղերք, որոնք կարող են անզեն, հանցագործություններից կիլոմետրերով հեռու մարդուն պառկեցնեն ասֆալտին, տանեն Նիկոլին ցույց տան, սա է Նիկոլի ունեցած իշխանությունը:

Այդ իշխանություն վերցնելը ընդամենը տեխնիկայի հարց է, որը շատ շուտով լինելու է: Նա չունի վերահսկողություն քաղաքացիների նկատմամբ, վերահսկողություն չունի քաղաքացիների քաղաքական և սոցիալական վարքի նկատմամբ և բնականաբար չունի նաև իշխանություն Հայաստանում»,- ասել է Նարեկ Սամսոնյանը:

 

 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ