Անբարոյականի տղա լինեմ, թե հետ կանգնեմ․ Ծառուկյանը գնաց ԱԱԾ՝ հարցաքննության

Ես հիմա գնում եմ հարցաքննության, բայց չգիտեմ՝ ինչ հարցերի եմ պատասխանելու, որովհետև ոչ մի մեղադրանք չկա։ Այս մասին լրագրողների հետ զրույցում ասաց ԲՀԿ նախագահ Գագիկ Ծառուկյանը:

«Ես պատրաստ եմ. նստացնում են, թող նստացնեն, բայց անօրինական սարքած է: Բայց ով անօրինական սարքածին աջակցում ա, թող ոչ մի բան չմոռանա, որ դրա համար ինքը պատասխան ա տալու պետության, ժողովրդի և իմ առաջ: Ես դա երբեք չեմ մոռանալու: Ես նորից եմ ասում՝ ցանկացած հարցի պատասխան ունեմ՝ ավելի բացվածքով, ավելի տեղը-տեղին՝ բոլոր ոլորտներում։

Այսօր ամեն օրը իր վնաս է ժողովրդին պետությանը` արտաքին քաղաքականություն, ներքին քաղաքականություն, սոցիալական, առողջապահական խնդիրներ, համաճարակի: Կառավարությունը բոլոր ուղղություններով ձախողվել է։ 

Հարգելի քաղաքացիներ, համաճարակը դեկտեմբերից տարածվում է, մարտին ասել եմ, աշխատանքը չեմ գնահատում: մարզում, մարզկենտրոններում մինչեւ այսօր հիվանդանոցներ չկան, որ մարդկանց ստուգեն, թեստեր վերցնեն։ Մարզերում սաղ ժողովուրդը շփվում են, սաղ տարածվում ա, էսօր Երեւանում ասում են՝ բոլորդ մասկա դրեք, թե չէ տուգանվում եք: Ժողովրդի մեծամասնությւոնը վարակված ա, պետք է թեստավորեն բոլորին, բայց ոչ թեստ ունեն, ոչ էլ քայլ են կատարում։ 300–400 հազար մարդ անգործ ա։ Երեք ամիս հետո սով ա լինելու»,– ասաց նա՝ ևս մեկ անգամ նշելով, որ իր դեմ քաղաքական հետապնդում է իրականացվում։