28 05 2020

Սերունդներ, Դուք ձեզ ճանաչե՛ք Սարդարապատից. Հրայր Թովմասյան

Սերունդներ, Դուք ձեզ ճանաչե՛ք Սարդարապատից. Հրայր Թովմասյան

Սահմանադրական դատարանի նախագահ Հրայր Թովմասյանի ուղերձ է հղել Հանրապետության տոնի առթիվ:

Ուղերձում ասվում է. «Սիրելի՛ հայրենակիցներ,

Շնորհավորում եմ բոլորիս Հանրապետության տոնի կապակցությամբ:

Դժվար է գերագնահատել օրվա խորհուրդը. անկախ պետականության վերականգնում, վերածնունդ, հայ ազգի հերոսական կերպարի արտացոլում, նոր փորձություններին որպես պետականորեն կազմակերպված ազգ դիմագրավելու մեկնարկ, նոր սկիզբ։

Պարույր Սեւակն ասում էր. «․․․սերունդներ, Դուք ձեզ ճանաչե՛ք Սարդարապատից»։

Իմ խորին համոզմամբ, նշվածը ոչ միայն անցյալը ճանաչելու, այլեւ փառահեղ անցյալի գիտակցմամբ ու նշանավորմամբ ներկան ստեղծելու ու ապագան կերտելու մասին է։ Ապագա, որը պիտի լինի մեր ժողովրդինը՝ լուսավոր, միասնական եւ հզոր Հայրենիքով, ամուր պետականությամբ։

Կեցցե՛ անկախ եւ հզոր Հայաստանի Հանրապետությունը»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ