Հացադուլի մեջ գտնվող կալանավորների թիվն ավելանալու է, եթե օր առաջ քայլեր չձեռնարկվեն. Նաիրա Զոհրաբյան

Հակաճգնաժամային միջոցառումների մեջ հղիների մասով ծրագիրը կիսահղի ծրագիր է: Այս մասին ապրիլի 22-ին, ԱԺ-ում հայտարարեց ԱԺ ԲՀԿ խմբակցության պատգամավոր Նաիրա Զոհրաբյանը:

«Այստեղ ակնհայտ անհամաչափություն կա: Ասենք հղի ուսուցչուհի է, 24 հազար դրամ աշխատավարձ է ստանում, ինքը չի համարվում շահառու, բայց իր հարևանը, որի ամուսինը պայմանագրային ծառայող է, ստանում է 170 հազար դրամ աշխատավարձ, նա շահառու է: Այդքան մեծ չեն հղիություն ունեցող  կանայք, եկեք այս հարցում տարբերակված մոտեցում չցուցաբերենք»,- ընդգծեց նա:

ԲՀԿ պատգամավորն անդրադարձավ նաև «Վանաձոր» ՔԿՀ-ում  20 դատապարտյալ հացադուլի խնդրին, նշելով, որ այս թիվն ավելանալու է, եթե օր առաջ քայլեր չձեռնարկվեն. «Արմավիր» ՔԿՀ-ում էլ 12 կալանավորներ գրավոր դիմել են ՔԿՀ պետին և հրաժարվում են ՔԿՀ սնունդից: Անհասկանալի է, եթե ծնողներին, հարազատներին թույլ չեն տալիս հանձնուքի մեջ ներառել միրգ , չոր քաղցրավենիք, այդ դեպքում ինչո՞ւ են թույլ տալիս, որ այն կալանավորը, ով ունի քարտ, ՔԿՀ-ի կողքի բուդկայից նույն միրգն ու քաղցրավենիքն առնի: Այսինքն այստեղ կա ակնհայտ անհամաչափություն: Երբ հարազատները բերում են հանձնուքը, միջից հանում են չոր քաղցրավենիքը, հանում են միրգը, ասում են՝ մենք միրգ տալիս եք: Բայց միրգ տալիս են 2-3 օրը մեկ, կամ օրական մի հատ խնձոր»,- հայտարարեց Զոհրաբյանը: