19  03  2020

Դիմեք Չինաստանին աջակցության խնդրանքով․ Աշոտյանի հերթական առաջարկը

Դիմեք Չինաստանին աջակցության խնդրանքով․ Աշոտյանի հերթական առաջարկը

Արմեն Աշոտյանը ֆեյսբուքյան իր էջում գրում է.

«Հերթական առաջարկս կորոնավիրուսի դեմ պայքարում

Ստացվեց այնպես, որ կորոնավիրուսի դեմ պայքարում Չինաստանն առաջամարտիկ դարձավ՝ ցուցաբերելով ճգնաժամային կառավարման բավականին բարձր արդյունավետություն:

Համաճարակի տեմպերը այդ երկորւմ սկսել են նվազել և Չինաստանը հայտարարել է, որ պատրաստ է աջակցել մյուս երկրներին վարակի դեմ պայքարում:

Չինական օգնության ձեռքը արդեն հասել է Իտալիա, Իրան, Սերբիա և այս աշխարհագրությունն ընդլայնվում է:

Հաշվի առնելով բազմաթիվ հանգամանքներ՝ Հայաստանի ԱԳՆ-ին առաջարկում եմ դիմել Չինաստանին մեր երկրին նմանատիպ աջակցություն ցուցաբերելու խնդրանքով:

Վստահ եմ, որ հայ-չինական բարեկամության կապերն այնքան ամուր են, որ այդ խնդրանքին արագ կերպով ընթացք կտրվի:

Ակնկալվող աջակցության փաթեթը կարող է ներառել հետևյալ ուղղությունները՝

1. Կազմակերպչական-մեթոդական օգնություն
2. Բուժ. անձնակազմի վերապատրաստումներ և փորձի փոխանակում
3. Նյութատեխնիկական աջակցություն

Աջակցույթուն խնդրելը ամոթ չէ, հատկապես, երբ կա բարեկամ երկիր, որն ունի անհրաժեշտ փորձն ու հնարավորությունները»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ