06 12 2019

Մնացականյանը ԵԱՀԿ նախագահին է ներկայացրել ԼՂ գործընթացի վերջին զարգացումները

Բրատիսլավայում ընթացող ԵԱՀԿ 26-րդ նախարարական համաժողովի շրջանակներում դեկտեմբերի 6-ին ԱԳ նախարար Զոհրաբ Մնացականյանը հանդիպեց ԵԱՀԿ գործող նախագահ, Սլովակիայի ԱԳ նախարար Միրոսլավ Լայչակին։ Այս մասին հայտնում են ԱԳՆ լրատվական ծառայությունից։

Նախարար Մնացականյանը շնորհավորեց իր սլովակ գործընկերոջը ԵԱՀԿ-ում հաջող նախագահության կապակցությամբ՝ նշելով, որ անցած մեկ տարվա ընթացքում ծավալվել է արդյունավետ համագործակցություն Սլովակիայի նախագահության առաջնայնությունների իրականացման և կազմակերպության նպատակների առաջմղման ուղղությամբ:

Նախարար Մնացականյանը Միրոսլավ Լայչակին ներկայացրեց Լեռնային Ղարաբաղի կարգավորման գործընթացի շուրջ վերջին զարգացումները: Հայաստանի ԱԳ նախարարը և ԵԱՀԿ գործող նախագահը կարևորեցին խաղաղությանը նպաստող միջավայրի ձևավորման ուղղությամբ քայլերի ձեռնարկումը՝ այդ առնչությամբ դրական գնահատելով Հայաստանի, Ադրբեջանի և Արցախի ԶԼՄ ներկայացուցիչների միջև փոխանակման ծրագրի իրականացումը:

Զոհրաբ Մնացականյանը և Միրոսլավ Լայչակն անդրադարձան նաև հայ-սլովակական օրակարգի մի շարք հարցերի՝ ուրվագծելով երկկողմ համագործակցությունն ընդլայնելու ներուժի լիարժեք կիրառման ուղղությամբ առաջիկայում ձեռնարկվելիք քայլերը: Երկուստեք կարևորվեց տարբեր մակարդակներում երկխոսության ակտիվացումը, այդ թվում՝ փոխայցելությունների և արտաքին քաղաքական գերատեսչությունների միջև պարբերական խորհրդակցությունների անցկացման միջոցով:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև

Քաղաքական 14 11 2024

ՀԱՊԿ-ի հարցում Հայաստանի Հանրապետության դիրքորոշումը չի փոխվել. ԱԳՆ

Գուրգեն Արսենյանի մասնակցությունը ՀԱՊԿ երկրների դիվանագետների հետ Սերգեյ Լավրովի հանդիպմանը չի փոխում ՀԱՊԿ-ի վերաբերյալ Երևանի դիրքորոշումը. Անի Բադալյան

Հասարակություն 30 08 2024

Հայաստանը հավատարիմ է մնում բոլոր զոհերի և նրանց ընտանիքների համար արդարություն փնտրելուն․ ԱԳՆ

ՀՀ ԱԳՆ-ն ուղերձ է հղել Բռնի անհետացման զոհերի միջազգային օրվա կապակցությամբ

Քաղաքական 15 08 2024

Արտգործնախարարությունը՝ Բաքվի՝ Մինսկի խմբի համատեղ լուծարման պահանջի մասին

Մինսկի գործընթացի հարցը կարող է դիտարկվել խաղաղության պայմանագրի կնքման համատեքստում. ԱԳՆ

Քաղաքական 07 08 2024

ՀՀ ԱԳՆ-ն արձագանքել է Ամիրբեկովի՝ «Զանգեզուրի միջանցքի» մասին հայտարարությանը

Այս համաձայնությամբ հանդերձ, հաղորդակցությունների ապաշրջափակումը շարունակում է մնալ խաղաղության ՀՀ տեսլականի կարևոր մաս. ՀՀ ԱԳՆ մամուլի խոսնակ

Հասարակություն 03 08 2024

ԱԳՆ-ն կոչ է անում Հայաստանի քաղաքացիներին զերծ մնալ Լիբանան այցելելուց

Նախարարությունը հորդորում է Լիբանանում բնակվող Հայաստանի քաղաքացիներին ցուցաբերել առավելագույն զգուշավորություն. հայտարարություն

Քաղաքական 01 07 2024

ՀՀ ԱԳՆ-ն՝ Հայաստանի և Թուրքիայի ներկայացուցիչների հանդպման մասին

Հանդիպման ժամկետի վերաբերյալ պայմանավորվածություն ձեռք բերելուց հետո հանրությունը պատշաճ ժամկետում կիրազեկվի. ԱԳՆ խոսնակ