ԱԺ պատգամավորը սահմանադրական կարգը տապալելու ուղիղ կոչ է անում․ փաստաբան

ԱԺ պատգամավոր Հայկ Սարգսյանը կոչով էր հանդես եկել՝ դատարանի դիմաց հավաքվելու և երկրորդ նախագահ Ռոբերտ Քոչարյանի գործով դատավորին ճնշելու վերաբերյալ։

ՀՀ երկրորդ նախագահի պաշտպան Հայկ Ալումյանը հրատապ ասուլիս էր հրավիրել՝ հաղորդում տալու հանցագործության մասին։

Հրատապ հայտարարությունը ներկայացնում ենք ամբողջությամբ, ինչպես նաև ներկայացնում ենք որոշ մտքեր փաստաբանի ելույթից։

Պատգամավոր Հայկ Սարգսյանը կոպտորեն խախտում է Ռեբերտ Քոչարյանի անմեղության կանխավարկածը:

Պարոն Սարգսյանը, լինելով ԱԺ պատգամավոր, իշխող խմբակցության ներկայացուցիչ, այսպիսի կոչերով է հանդես գալիս: Սա ի՞նչ է, եթե ոչ դատարանի նկատմամբ ամենաբիրտ, ուղիղ ճնշում։

Հայաստանում դատարանի նկատմամբ ճնշումներն ահագնացել են վերջին մեկ տարվա ընթացքում:

Կոչ եմ անում ՀՀ նախագահին կատարել սահմանադրության Ձեզ վրա դրած պարտականությունը՝ ապահովել սահմանադրական կարգը: Պարոն Սարգսյանի՝ ֆեյսբուքյան էջում հրապարակումը ոչ այլ բան է, քան սահմանադրական կարգը տապալելու ուղիղ կոչ:

Ես դիմում եմ իրավապահ համակարգին, հարգելի գլխավոր դատախազ, ես Ձեզ կոչ եմ անում սա ընդունել որպես հաղորդում հանցագործության մասին:

Ես կոչ եմ անում ոստիկանապետին անհապաղ միջոցներ ձեռնարկել, որ այս հավաքը տեղի չունենա, ակնհայտ է, որ այս հավաքը խաղաղ չէ

Ես կոչ եմ անում վարչապետին. մեզ բոլորիս հայտնի է, որ այս անձինք որևէ հայտարարություն չեն անի, եթե չլինի ձեր հավանությունը: Կոչ եմ անում թույլ չտալ, կանխել այս զարգացումները, թույլ չտալ Ձեր կողմնակիցները Ձեր անունից կամ առնվազն Ձեր թույլտվությամբ կատարեն այն, ինչ Հայկ Սարգսյանը գրել է:

Ես կոչ եմ անում բոլոր իրավապաշտպաններին. բարձրացրեք ձեր ձայնը հօգուտ դատական համակարգի անկախության, անկախ ձեր հայացքներեից, ձեր տեսակետներից:

Ես կոչ եմ անում բոլոր միջազգային առաքելություններին. շատ ուշադիր հետևեք այս զարգացումներին, ձեր իրավասության շրջանակներում արեք ամեն ինչ:

Այս կարգի ճնշումները դատարանների նկատմամբ պետք է բացառված լինեն Հայաստանում:

Հիշեցնենք, որ այսօր մայիսի 18-ին, ժամը 16:00 ին հրապարակվելու է Ռոբերտ Քոչարյանի խափանման միջոցի վերաբերյալ որոշումը: