06 05 2019

«Չհավատաք, որ Սեյրան Օհանյանն ու նրա պես մարդիկ կարող էին գնդակ ուղղել մարդկանց վրա». Աստվածատուր Պետրոսյան

«Չհավատաք, որ Սեյրան Օհանյանն ու նրա պես մարդիկ կարող էին գնդակ ուղղել մարդկանց վրա». Աստվածատուր Պետրոսյան

«Օհանյանը միշտ եղել է ու կա ամենասիրելի և ամենահարգված զինվորականներից մեկը ՀՀ-ում և Արցախում: Հայրենասիրությունն ու քաղաքականությունը պետք չէ խառնել»,- լրագրողների հետ զրույցում անդրադառնալով ՀՀ պաշտպանության նախկին նախարար, Մարտի մեկի իրադարձությունների ժամանակ ՀՀ ԶՈՒ ԳՇ պետ Սեյրան Օհանյանի հանդեպ մեղադրանքի առաջադրմանը, ասաց ազատամարտիկ, գեներալ-մայոր Աստվածատուր Պետրոսյանը:

«Ոչ միայն Սեյրան Օհանյանը, այլև այլ մարդիկ փրկել են հազար մարդու կյանք: Երբևէ չհավատաք, որ նման անձանցից որևէ մեկը կարող էր զենք բարձրացնել կամ գնդակ ուղղել այս կամ այն մարդու վրա: Դա իմ անձնական կարծիքն է, ես իրավական հարցերին չեմ խառնվում: Մարդուն պետք է ներկայով էլ դատել: Նա հայրենանվերի դիրքում է հիմա, ինչպես և կար անցյալում: Կոմանդոսն էլ, օրինակ, հիմա ԶՈՒ-ում չէ, բայց իր գիտելիքներով օգնում է բանակին»,- ընդգծեց Պետրոսյանը: 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ