Որքա՞ն են կազմել պարգևավճարները․ Երևանի քաղաքապետարանը հանձնվեց

Երևանի քաղաքապետ Հայկ Մարությանը ֆեյսբուքյան ուղիղ եթերում մեկնաբանել է 2018թ․ տարեվերջին Երևանի քաղաքապետարանի աշխատակիցներին հատկացված պարգևավճարների հարցը՝ հրապարակելով պարգևավճարների չափը։

Մարությանը հայտնել է, որ քանի որ դեկտեմբերին ինքը պաշտոնավարում էր ընդամենը երկու ամիս, ապա որոշում կայացվեց պարգևավճարները հատկացնել այնպես, ինչպես որոշվել էր 2017 թվականին և հաստատվել 2018 թվականի բյուջեով: «Այդպես էլ արվեց, ուղղակի մի վերապահումով, որ այս անգամ ես հանձնարարեցի, որ պարգևավճար ստանան Երևանի քաղաքապետարանի բոլոր աշխատակիցները, քանի որ տարիներ ի վեր կային աշխատակիցներ, որոնք այս գումարները չէին ստանում՝ չնայած, որ աշխատում էին, իրենց ուժը, եռանդը դնում այս գործի մեջ»:

Երևանի քաղաքապետի խոսքով՝ երկար են մտածել պարգևավճարներ ստացած աշխատակիցների ցուցակի հրապարակման մասին և անգամ հարցում են ուղարկել արդարադատության նախարարություն, որպեսզի պարզեն, թե արդյոք այդ կերպ չեն հրապարակվի մարդկանց անձնական տվյալները։