Մենք ռուսական սպառազինության խոշոր ներկրողներից ենք. Ադրբեջանի նախագահ

Ադրբեջանն ակնկալում է ռուսական ռազմատեխնիկայի մատակարարման մասին ավելի վաղ կնքված պայմանագրերի լիարժեք իրականացում: Այս մասին РИА Новости-ին ասել է Ադրբեջանի նախագահ Իլհամ Ալիևը:

«Մենք ռուսական սպառազինության խոշոր ներկրողներից ենք: Որոշ պայմանագրեր, որոնք կնքվել են անցյալ տարիներին, դեռ իրականացման փուլում են: Այսինքն` մենք դեռ ամեն ինչ չենք ստացել, այդ իսկ պատճառով վերջերս հայտարարվել է, որ երկու կողմերն ակնկալում են որ նման համագործակցությունը կշարունակվի»,- ասել է նա:

Ալիևի խոսքով` Ադրբեջանի կողմից ռուսական ռազմական տեխնիկայի գնումը «մշտական գործընթաց» է և նրանք հետաքրքված են զենքի մատակարարման մասին նոր պայմանագրերով:

«Ինչ վերաբերում է ռազմական տեխնիկայի անվանացուցակին, ապա այն կհամաձայնեցվի համապատասխան գերատեսչությունների հետ: Մենք, իհարկե, հետաքրքրված ենք: Ռուսաստանը ժամանակակից, հուսալի ռազմական տեխնիկայի գլխավոր մատակարարներից է, մենք նրան լիարժեք հասանելիություն ունենք», - ասել է նա:

Խոսելով Ադրբեջանի ՀԱՊԿ-ին անդամակցելու կամ կազմակերպությունում դիտորդի կարգավիճակ ստանալու մասին Ալիևն ասել է. «Այդ հարցը դեռևս բանավիճային փուլում է»:

«Ինչ վերաբերում է ռազմական տեխնիկայի անվանացուցակին, ապա այն կհամաձայնեցվի համապատասխան գերատեսչությունների հետ: Մենք, իհարկե, հետաքրքրված ենք: Ռուսաստանը ժամանակակից, հուսալի ռազմական տեխնիկայի գլխավոր մատակարարներից է, մենք նրան լիարժեք հասանելիություն ունենք», - ասել է նա: