Սանասարյանը և նրա աշխատողները ինձ ճնշել են․ համայնքապետ․ «Առավոտ»

Հոկտեմբերի 20-ի երեկոյան, Իջեւանի տարածաշրջանի Ազատամուտ գյուղ է ժամանել պետական վերահսկողական ծառայության պետ Դավիթ Սանասարյանը: Ազատամուտում կայացած հանրահավաքը Ֆեյսբուքում ուղիղ եթերով տարածվում էր: Հանրահավաքում Դ. Սանասարյանը հայտարարել  է, որ ինքը Ազատամուտ համայնքի ղեկավար Ժորա Մարտիրոսյանին հրաժարական տալու պահանջ չի ներկայացնի: Նա ազատամուտցի ծնողներին հորդորել է, որ նրանց երեխաները դասադուլ չանեն, բնականոն կրթություն ստանան: 

Ժամը 21.13-ին Aravot.am զանգահարեց Ժորա Մարտիրոսյանը եւ խնդրեց գրել, որ Դավիթ Սանասարյանը եւ նրա հետ եկած՝ իր ղեկավարած ծառայության 3 աշխատողները իրեն ճնշել են, համայնքի ղեկավարի պաշտոնից հրաժարվելու պահանջ են ներկայացրել, սպառնացել ազատազրկմամբ :

Ժ. Մարտիրոսյանը մեզ ասաց. «Ես Կիրովական էի, եկա, սպասել էին, ինձ տարան իմ կաբինետը, ժողովուրդը լիքն՝ այնտեղ, սկսեցին զրուցել: Սանասարյանն ասաց` իրավիճակը շատ է սրված, լարված, բա ո՞նց անենք, որ իրավիճակը լավանա, ասի` ես հրաժարական չեմ տալու, բա`որ չես տալիս, թերություններ կունենաս, քեզ կնեղացնեն, երկուշաբթի օրը ուղարկում եմ այդտեղ, որ գան ստուգեն, ասացի`ուղարկեցեք, թող գան, ստուգեն: Դրանից հետո ինքը հեռացավ, էն 3 հոգին ասացին`էլ Սանասարյանին չես տեսնելու, քանի բանը բանին չի տվել-անցել, այդ գործը կատարի, հրաժարական տուր: Այդ աշխատողներից մեկի ազգանունը Վանյան է, մյուսներինը`չգիտեմ: Ասացին` քանի շուտ է՝ այդ բանն արա, թե չէ գործ տենք սարքիլ, քո թոռն էլ է նստելու, քո տղեն` էլ, դու՝ էլ: Ասացի`դե կանդալները բերեք- դրեք, ես հրաժարվում եմ, ուրեմն `բեսպրիդե՞լ է, թե՞ բռնապետություն: 

Հիշեցնենք, որ Ազատամուտի համայնքապետին մեղադրանք է առաջադրվել։

Նյութն ամբողջությամբ կարդացեք Aravot.am-ում։