Ամերիկացի կոնգրեսականը հորդորել է ճանաչել Հայոց ցեղասպանությունը

ԱՄՆ Կոնգրեսի ներկայացուցիչների պալատում Տեխասի ներկայացուցիչ Թեդ Փոն իր ելույթում դատապարտել է Հայոց ցեղասպանությունը և ԱՄՆ կառավարությանը հորդորել ճանաչել այն: Ամերիկայի Հայ դատի հանձնախումբը թվիթերյան էջում հրապարակել է ելույթի տեսանյութը։

«Ավելի քան մեկ դար առաջ, երբ աշխարհի ուշադրությունը կենտրոնացած էր Եվրոպայում սկսված մեծ պատերազմի վրա, տեղի է ունեցել պատմության մեջ ամենասարսափելի ցեղասպանություններից մեկը: Օսմանյան կայսրությունը և վերջինիս հետնորդ Թուրքիայի Հանրապետությունը մշտապես հերքել են այն վայրագությունները, որոնք իրականացրել են հայ ժողովրդի հանդեպ: Մեր կառավարությունը չափազանց երկար ժամանակ է աջակցել Թուրքիային: Մենք թույլ ենք տվել, որ քաղաքականությունը փակի մեր աչքերը օսմանյան թուրքերի կողմից 1.5 միլիոն անմեղ հայերի համատարած սպանության վրա։

Մենք պետք է պաշտոնապես ճանաչենք այս սոսկալի հանցագործությունը, որպեսզի թույլ չտանք՝ նման դեպքերը կրկնվեն։ Սա նաև նշանակում է ճնշում գործադրել թուրքերի վրա, որպեսզի ճանաչեն անցյալում գործած իրենց մեղքերը: Թուրքիան իր բռնապետ առաջնորդի ղեկավարությամբ ապացուցում է, որ սեփական ժողովրդին է բռնաճնշում: Մենք այսօր տեսնում ենք, որ նա նույն դաժանությամբ է վարվում թուրք ժողովրդի հետ, ինչպես ավելի քան մեկ դար առաջ թուրքերը՝ հայերի հետ: Այսպիսի վարքագիծն անընդունելի է ՆԱՏՕ-ի անդամի և ԱՄՆ-ի ենթադրյալ դաշնակցի կողմից: Սակայն դա է իրականությունը»,- նշել է Թեդ Փոն:  

US Rep. @JudgeTedPoe (R-TX): "For too long, our own government has played along with #Turkey. We have allowed politics to blind us from the mass murder of 1.5 million innocent Armenians by the Ottoman Turks. We must officially recognize this horrific crime." #Armenian #Genocide pic.twitter.com/fX4K7jlhhY

— ANCA (@ANCA_DC) 13 сентября 2018 г.