Հայաստանը լուրջ գրավչություն է ստանալու համագործակցության այս արագ զարգացող գլոբալ հարթակից․ Կոպիրկին

ԲՐԻԿՍ-ը (BRICS) ինքնիշխան պետությունների ակումբ է, որտեղ ընդունված չէ անհեթեթ որոշումներ պարտադրել և «ձեռքերը ոլորել»: Այս մասին «Ռիա Նովոստի» գործակալությանը տված հարցազրույցում հայտարարել է  Հայաստանում  ՌԴ դեսպան Սերգեյ Կոպիրկինը։

«Ես կսկսեմ իմ պատասխանը՝ թվարկելով ԲՐԻԿՍ-ի շրջանակներում փոխգործակցության հիմնական սկզբունքները՝ հավասարություն, փոխադարձ հարգանք, բաց լինել, պրագմատիզմ և համերաշխություն։ Սա ինքնիշխան պետությունների ակումբ է, որի շրջանակներում ընդունված չէ պարտադրել անհեթեթ կամ անիրատեսական որոշումներ: Մի քանի ղեկավարների շահերը սպասարկելու համար «ձեռքերը ոլորել» իրականում չկան, քանի որ ասոցիացիայի գործունեության բոլոր հարցերը լուծվում են փոխադարձ հարգալից կառուցողական երկխոսության ընթացքում, որը հաշվի է առնում ներգրավված բոլոր խաղացողների շահերն ու մտահոգությունները», - ասել է դեսպանը՝ պատասխանելով հարցին, թե ասոցիացիայի շրջանակներում համագործակցությունն ի՞նչ օգուտ կարող է տալ Հայաստանին։

Նրա խոսքով, ԲՐԻԿՍ-ը դասական միջազգային կազմակերպություն չէ, որին անդամակցելու համար, որպես կանոն, պետք է ընդունել իրավական պարտավորություններ կամ ճշգրտել ազգային օրենսդրությունը։

«Հայաստանի համար առավելությունների առումով, խոսում են ԲՐԻԿՍ-ի ընտանիքում հանրապետության այնպիսի առանցքային գործընկերների, ինչպիսիք են Ռուսաստանի, Հնդկաստանի, Իրանի, Չինաստանի և ԱՄԷ-ի ներկայությունը։ Պակաս կարևոր չէ, որ հարևան Ադրբեջանն ու Թուրքիան դիմումներ են ներկայացրել՝ միանալու ասոցիացիային։ Որպեսզի ամփոփենք այս պատկերը, ապա ակնհայտ է, որ Հայաստանը լուրջ գրավչություն է ստանալու երկխոսության և համագործակցության այս արագ զարգացող գլոբալ հարթակից»,- ասել է Կոպիրկինը։

Հիշեցնենք, ավելի վաղ հայտարարվել է, որ գագաթաժողովին Հայաստանը կմասնակցի Նիկոլ Փաշինյանի մակարդակով։

ԲՐԻԿՍ-ի գագաթնաժողովը նախատեսված է հոկտեմբերի 22-24-ը Կազանում։

ԲՐԻԿՍ-ը (անգլ.՝ BRICS — Brazil, Russia, India, China, South Africa բառերի հապավում) հինգ երկրների խումբ, որոնց անդամ են Բրազիլիան, Ռուսաստանը, Հնդկաստանը, Չինաստանը և ՀԱՀ-ը։

ԲՐԻԿՍ-ի անդամ երկրները բնութագրվում են որպես արագ զարգացող հզոր երկրներ։ Այս երկրների բարենպաստ դիրքն ապահովում է համաշխարհային տնտեսության մեջ նրանց կարևոր դերը։