Գլոբալ, մասշտաբային պատերազմի իրանցիները կփորձեն գործը չհասցնել. Արման Աբովյան

Քաղաքական վերլուծաբան Արման Աբովյանը գրում է.

«Իսրայելի ուղղությամբ Իրանի առավել քան հավանական հարձակման հետ կապված իրավիճակն ավելի ու ավելի է հիշեցնում հոլիվուդյան ապոկալիպտիկ ֆիլմերի սցենարները։
Բայց կարծում եմ, որ ամեն դեպքում իրավիճակը մի փոքր այլ է:

Իհարկե, իրանցիները կհարվածեն, սակայն գլոբալ, մասշտաբային պատերազմի իրանցիները կփորձեն գործը չհասցնել , քանի որ ձգձգվող պատերազմը լուրջ խնդիրներ է առաջացնելու իրանական կայունության համար եւ, իհարկե, Իսրայելի միջուկային զենքի առկայությունը նույն լրջագույն զսպող գործոնն է ։
Այլ բան է, որ թե Իսրայելն ու թե Իրանն այս համատեքստում կօգտագործեն իրենց պրոքսի ուժերը ։

Իրանի համար դա, իհարկե, Հեզբոլլահն է , ՀԱՄԱՍ-ը, շիա կազմավորումները Իրաքում և Սիրիայում և, իհարկե, պաղեստինցիները:

Իսկ ահա Իսրայելն այս առումով սահմանափակ հնարավորություններ ունի ։
Մեծ վերապահումով սրանք թալիբների որոշ ուժեր են , սա քրդերի մի մասն է (իրանական և սիրիական) Եվ, իհարկե, Իսրայելի համար "ոսկե քարտ է" հանդիսանում թյուրքական պրոտեկտորատը ՝ "ադրբեջան"անվանումով։
Հենց ադրբեջանն է տարածաշրջանում Իսրայելի ամենալուրջ աշխարհաքաղաքական պարտատերերից մեկը, և ոչ մի վայրկյան չեմ կասկածում, որ որոշակի հանգամանքներում Իսրայելն ամբողջ ուժով գործի կդնի անդրկովկասյան թաթարներին (այսպես կոչված ադրբեջանցիներին) Իրանին հարվածելու համար ։

Ահա այս ամենին մենք պետք է ուշադրություն դարձնենք, այլ ոչ թե թերթերի վերնագրերից խորիմաստ եզրակացություններ անենք»։