Միհրդատ Մադաթյանը հրաժարվում է պատգամավորական մանդատից

Միհրդատ Մադաթյանն իր ֆեյսբուքյան էջում գրել է.

«Տիկնայք և Պարոնայք։  Սիրելի՛ հայրենակիցներ... 

Տեղեկացնում եմ, որ այսօր, նոյեմբերի 3-ին ԿԸՀ եմ ներկայացրել պատգամավորական մանդատից հրաժարվելու դիմում:

Ուզում եմ տեղեկացնել Ձեզ, որ մանդատից հրաժարվելու իմ որոշումը կապված է, մանդատը վերցնելու դեպքում իմ մասնագիտական գործունեության դադարեցման հետ, ինչը իրավական պահանջ է։

Համոզված եմ, որ իմ այն գործընկերը, ով կվերցնի մանդատը, ինձանից ոչ պակաս կարևոր և օգտավետ կլինի մեր հետագա, արժանապատիվ ու ազատ հայրենիք  ունենալու պայքարի համար։

Հավաստացնում եմ Ձեզ, որ ես շարունակելու եմ իմ պայքարը նույն եռանդով ԱԺ-ից դուրս, նաև շարունակելով օգտակար լինել մեր հանրությանը իմ մասնագիտական հմտություններով։

Շնորհակալ եմ մեզ ընտրողներին, ընկերներիս, բարեկամներիս, հարզատներիս, ինձ հավատացող ու ինձ հետ պայքարող մարդկանց ինձ ընձեռնած վստահության համար»։

Հիշեցնենք, որ պատգամավորական մանդատից հրաժարվել է նաև Գերասիմ Վարդանյանը, իսկ «Հայաստան» դաշինքի հաջորդ համարը Լևոն Քոչարյանն է, ով գտնվում է անազատության մեջ: Փաստաբան Ալեքսանդր կոչուբաևն իր ֆեսբուքյան էջում տեղեկացրել է, որ հարցին կանդրադառանան առաջիկա ժամերին: