31 01 2023

Օդից կախված լուրերի համաձայն, պարոն վարչապետը արդեն դոլարով միլիոնատեր է․ Հովհաննես Ավետիսյան

Օդից կախված լուրերի համաձայն, պարոն վարչապետը արդեն դոլարով միլիոնատեր է․ Հովհաննես Ավետիսյան

Հովհաննես Ավետիսյանը ֆեյսբուքյան իր էջում գրում է․

Կոռուպցիայի դեմ պայքարը թիվ մեկ առաջնահերթություն հայտարարած իշխանությունը հետընթաց է ապրել միջազգային Transparency International կազմակերպության Կոռուպցիայի ընկալման գործակցով, որի ցուցիչը նախորդ տարվա 49-ից նվազել է 46:
Նվազման պատճառներն են արձանագրված խնդիրները հետևյալներում՝ դատական համակարգի անկախություն, ոստիկանական համակարգում բարեվարքություն, իշխանության տարանջատում (հսկողություն) և հավասարակշռում, հանրային տարածքի պաշտպանություն (սա մարդկանց ազատություններն են հավաքների և իրենց կամքի արտահայտման դսրևորումներում, նաև լրատվամիջոցների ազատությունը):
Իմ համոզմամբ այս գնահատականը դեռ շատ մեղմ է արձագանքում երկրում առկա վիճակին: Մասնավորապես, մի կենտրոնից կառավարվող պետություն, իսկ այդ կենտրոնը ընդամենը մեկ անձ, ով վերահսկում է օրենսդիր, գործադիր և դատական համակարգերը: Սրա հետ զուգահեռ իրականացնում է ընտրովի արդարադատություն, և դատական համակարգը մահակ է սարքել իր դեմ հոխոռտացողների պատժելու գործում:
Այս ինդեկսը չի ներառում փողերի լվացման և ապօրինի փողերի տեղաշարժերի հետ կապված դրսևորումները: Օդից կախված լուրերի համաձայն, պարոն վարչապետը արդեն դոլարով միլիոնատեր է (ընդ որում, մի քանի հարյուր), քանի որ, ինչպես հավաստում են, կրկին օդից կախված լուրերի աղբյուրները, նա պայմանավորվածությունների մեջ է մտնում նախկին կոռուպցիոն և օլիգարխիկ համակարգի ներկայացուցիչների հետ՝ թողնելով նրանց փախուստը երկրից և/կամ նրանց պատկանող կապիտալի ազատ ելքը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ