Մենք չենք տեսնում այլընտրանք ռուս խաղաղապահներին․ Ռուսատանը մեզ համար եղբայրական երկիր է․ Դավիթ Բաբայան

ԱԺ-ում , լրագրողների հետ զրույցում, Արցախի արտգործնախարար Դավիթ Բաբայանն անդրադառնալով Ֆրանսիայի  նախագահ Մակրոնի երեկվա հակառուսական հայտարարությանը, և առհասարակ՝ հայ-ռուսական բարեկամական հարաբերության մեջ սեպ խրելու ցանկացած փորձին , ասաց․

«Ուզում եմ կոչ անել ողջ ժողովրդին լինել իմաստուն, ցանկացած հայ  չպետք է ունենա հակառուսական  կամ, հակառակը, հակաամերիկյան կեցվածք․  3 միլիոն հայ է ապրում Ռուսաստանում և  այն ապուշը, որ հակառուսական կարծիքներ է հայտնում չի մտածո՞ւմ մեր հայրենակիցների մասին , որ կարող է այդ կապը կտրվել։  Նույնն էլ հակաամերիկյան կարծիքների պարագայում, երբ 2 միլիոն հայ կա ԱՄՆ-ում։  Ռուսատանը մեզ համար եղբայրական երկիր է,  դրա համար  մենք չենք տեսնում այլընտրանք ռուս խաղաղապահներին , բայց դա չի նշանակում, որ դեմ ենք արևմուտքին։ Արևմուտքն էլ թշնամի չէ մեզ համար, որովհետև մենք ունենք Սփյուռք և   լավ կլիներ նույն ժողովրդավարական արևմուտքը հայտարարեր, որ չի  տեսնում ժողովրդավարական Արցախը՝ տոտալիտար Ադրբեջանի կազմում»,-ասաց Դավիթ Բաբայանը։

Մանրամասն՝ տեսանյութում։