10 06 2022

Սա խիստ մտահոգիչ է․ պատգամավորը՝ Բագրատ Եսայանի ձերբակալման մասին

Սա խիստ մտահոգիչ է․ պատգամավորը՝ Բագրատ Եսայանի ձերբակալման մասին

Թագուհի Թովմասյանը ֆեսյբուքյան իր էջում գրում է․

Այսօր բերման են ենթարկել «Երկիր Մեդիա» հեռուստաընկերության տնօրեն Բագրատ Եսայանին իր իսկ աշխատասենյակից:
Ըստ նախնական տեղեկությունների՝ նրան տարել են Ազգային անվտանգության ծառայություն։
Ըստ «Երկիր Մեդիայի» աշխատակիցների՝ բերման ենթարկողները 4 քաղաքացիական հագուստով անձինք էին, ովքեր նույնիսկ անվտանգության աշխատակիցների մոտ չեն ներկայացել:
Հայաստան խմբակցության պատգամավոր Գեղամ Մանուկյանը նշում է, որ ըստ նախնական տեղեկության՝ Բագրատ Եսայանին բերման են ենթարկել երկու տարի առաջ հարուցված քրեական գործի շրջանակում: Այսինքն 2 տարի տեւած նախաքննությունից հետո հենց այսօր առանց որեւէ ծանուցման, առանց նախաքննական մարմին հրավիրելու՝ որոշում է կայացվել հենց հեռուստաընկերության շենքից բերման ենթարկել վերջինիս:Այսինքն 2 տարի տեւած նախաքննությունից հետո հենց այսօր առանց որեւէ ծանուցման, առանց նախաքննական մարմին հրավիրելու՝ որոշում է կայացվել հենց հեռուստաընկերության շենքից բերման ենթարկել վերջինիս:
Բագրատ Եսայանի փաստաբան Վահե Եփրիկյանը եւս նշեց, որ բերման ենթարկելու հիմք առկա չի եղել , քանի որ պարոն Եսայանը անգամ չի ծանուցվել:
Սա խիստ մտահոգիչ է եւ ակնհայտ իրավունքների ոտնահարում՝ քաղաքական ենթատեքստով:
Թարմացում‼️
‼️ԱԺ մարդու իրավունքների եւ հանրային հարցերի հանձնաժողովի փորձագետը կապ է հաստատել Բագրատ Եսայանի փաստաբան Վահե Եփրիկյանի հետ, ով նշել է, որ Բագրատ Եսայանի նկատմամբ իրականացվում է քաղաքական հետապնդում ՀՀ քրեական օրենսգրքի 38 ֊ 225 ֊րդ հոդվածի 2 -րդ մասով և 164 ֊րդ հոդվածի 1 -ին մասով, վերջինս ներկա պահին ձերբակալված է ու նրա նկատմամբ հավանաբար այսօր ներկայացվելու է կալանքի միջնորդություն։
Փաստաբանը նշել է նաեւ, որ վերոհիշյալ մեղադրանքի իմաստով պարոն Եսայանը որևէ արարք չի կատարել, ավելին` դեպքից անցել է շուրջ մեկ տարի ութ ամիս և հենց այժմ նրան մեղադրանք առաջադրելն ու կալանավորելը բացառապես պայմանավորված է քաղաքական նպատակահարմարությամբ։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ