Առողջական խնդիրների պատճառով չկարողացա դիմանալ և անընդհատ ցուցմունքներս փոխել եմ․ Լուսինե Ավետյան

Ես համոզված էի, որ արդարությունը հաղթելու է, քանի որ ամբողջ գործընթացին ես տեղյակ էի, գիտեի վկաների վրա ինչ ազդեցություն է գործել։ Այս մասին դատարանի բակում լրագրողների հետ զրույցում ասաց Քարահունջի վարչական ղեկավար Լուսինե Ավետյանը։

«Իմ առողջական խնդիրների պատճառով չկարողացա դիմանալ և անընդհատ ցուցմունքներս փոխել եմ, բայց գիտեի, որ արդարությունը հաղթելու է»,-ասաց Ավետյանը։

Նշենք, որ ըստ մեղադրանքի՝ Առուշ Առուշանյանը Գորիս համայնքի Քարահունջ բնակավայրի վարչական ղեկավար Լուսինե Ավետյանի միջոցով կազմակերպել և սոցիալապես անապահով վիճակում գտնվող անձանց դրամական աջակցություն տալով՝ հարկադրել էր քվեարկել «Հայաստան» դաշինքի օգտին։ Ավետյանը դատարանի որոշմամբ արդարացվեց՝ հանցակազմի բացակայության հիմքով։

Մանրամասն՝ տեսանյութում։