10 03 2021

Նախագահը վարչապետին, ԱԺ խմբակցությունների ղեկավարներին և Հայրենիքի փրկության շարժման ղեկավարներին հրավիրում է հանդիպման

ՀՀ նախագահ Արմեն Սարգսյանը հայտարարություն է տարածել, որում նշված է, որ երկրում շարունակվում է քաղաքական ճգնաժամը, իրավիճակը մնում է լարված, ինչը կարող է անկանխատեսելի և անդառնալի հետևանքներ ունենալ մեր պետության և պետականության համար:

«Խնդիրները շատ են, դրանց լուծումը պահանջում է նաև հրատապ և համակարգային փոփոխություններ, այդ թվում՝ սահմանադրական և օրենսդրական:

Թե՛ իշխանությունը, թե՛ խորհրդարանական և արտախորհրդարանական քաղաքական ուժերը բազմիցս արտահայտել են իրենց դիրքորոշումները: Սակայն, բացակայում են փոխըմբռնումը և միմյանց ընդառաջ գնալու ցանկությունը: Ավելին, հաճախակի են դարձել անհանդուրժողականության կոչերը:

Ստեղծված պայմաններում իմ միակ նպատակը եղել և մնում է երկիրը ցնցումներից զերծ պահելը և կանխելն այնպիսի իրավիճակի ստեղծումը, որը կարող է հանգեցնել անկանխատեսելի հետևանքների:

Պետության և ժողովրդի շահերից ելնելով՝ իրավիճակի հանգուցալուծումն այլևս անհետաձգելի և հրամայական պահանջ է:

Առաջնորդվելով համապետական ու համազգային շահերով՝ առկա իրավիճակը քննարկելու և ճգնաժամը հաղթահարելուն ուղղված փոխընդունելի լուծումներ գտնելու նպատակով Հանրապետության վարչապետին, խորհրդարանական խմբակցությունների ղեկավարներին և Հայրենիքի փրկության շարժման ղեկավարներին ս/թ մարտի 13-ին ժ. 12:00-ին հրավիրում եմ հանդիպման նախագահական նստավայրում:

Վերահաստատում եմ համոզմունքս, որ տարաձայնությունների կարգավորման միակ ուղին բանակցություններն ու երկխոսությունն են, իսկ Հայաստանի և Արցախի զարգացման միակ ճանապարհը՝ բոլորիս և յուրաքանչյուրիս ջանքերի ու հնարավորությունների համախմբումը:

Հ.Գ. Հանրապետության նախագահի աշխատակազմն ակնկալում է մինչև ս/թ մարտի 11-ի ժամը 18:00-ն հրավիրյալներից արձագանք ստանալ հանդիպման մասնակցության վերաբերյալ», - նշված է նախագահի հայտարարության մեջ։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Արմեն Սարգսյան | հրավեր

Դիտել նաև

Քաղաքական 06 02 2024

Մեծ Բրիտանիայի օֆշորային ռեգիստրը բացահայտել է Արմեն Սարգսյանի ընտանիքին պատկանող գույքեր.«Հետք»

Օֆշորային տարբեր ընկերությունների միջոցով նա Լոնդոնում տնօրինում է չորս այլ թանկարժեք անշարժ գույք, որոնք տասնյակ միլիոն ֆունտ արժեն

Հասարակություն 08 12 2023

Արմեն Սարգսյանը գիրք է գրել աշխարհը փրկելու մասին

Հայաստանի նախկին նախագահի գիրքը փոքր ու խելացի երկրների մասին է․ Հայաստանը ցանկում չկա

Մամուլի տեսություն 19 01 2023

Արմեն Սարգսյանի երկքաղաքացիության արգելքի առիթով հարուցված քրեական գործը դոփում է տեղում. «Ժողովուրդ»

Գործը փաստացի չի քննվում, Արմեն Սարգսյանն էլ հասցրեց այդ ընթացքում խորհրդավոր կերպով հրաժարական տալ ու անհետանալ Հայաստանից

Քաղաքական 13 01 2023

Արմեն Սարգսյանը հոդված է գրել

Վերջին հինգ շաբաթվա ընթացքում Լեռնային Ղարաբաղը, որը գտնվում է Հայաստանի և Ադրբեջանի միջև, շրջափակման մեջ է վերջինիս կողմից․ նախկին նախագահ

Մամուլի տեսություն 19 11 2022

Իշխանությունը նույնիսկ Արմեն Սարգսյանին է դիտում որպես նախկին եւ նրա գործողություններն է փորձում յուրացնել․ «Հրապարակ»

Վահագն Խաչատուրյանը Հագոպ (Հրայր) Հովագուիմիանին պարգեւատրել է Հայրենիքի շքանշանով․ Ուշագրավ է, որ հայտնի բժշկին այս շքանշանով պարգեւատրել էր ՀՀ նախկին նախագահ Արմեն Սարգսյանը՝ 2020 թվականի օգոստոսի 27

Հասարակություն 21 10 2022

Արմեն Սարգսյանը շնորհավորել է Քիմ Քարդաշյանին

Հիշիր, որ Հայաստանը քո տունն է ու հայրենիքը․ Հայաստանի չորրորդ նախագահ Արմեն Սարգսյանը շնորհավորել է ամերիկահայ հեռուստաաստղ