18 11 2020

Փոխգնդապետ Արթուր Քարամյանը շրջափակումից հանել է 600 զինծառայողի․ ՊԲ

Փոխգնդապետ Արթուր Քարամյանը շրջափակումից հանել է 600 զինծառայողի․ ՊԲ

Ճանաչենք մեր հերոսներին. Արցախի պաշտպանության բանակը ներկայացրել է նորօրյա մեր հերոսամարտի աչքի ընկնող ներկայացուցիչներից փոխգնդապետ Արթուր Մարտիկի Քարամյանին:

ՊԲ հաղորդագրության մեջ ասվում է.

«Վերջինիս ղեկավարությամբ իրականացված գործողությունների շնորհիվ ոչնչացվել է հակառակորդի 3 եւ առգրավվել 3 տանկ, թշնամական կողմը ունեցել է մարդկային լուրջ կորուստներ: Քաջարի փոխգնդապետը նաեւ կարողացել է արագ կողմնորոշվել մարտական բարդ իրավիճակում եւ գրագետ ու սառնասիրտ գործողությունների շնորհիվ շրջափակումից հանել թվով 600 զինծառայողի:

Շարքային Սուրեն Արիկի Գաբրիելյանը խոցել է թշնամական 4 միավոր ՀՄՄ-2, 2 միավոր ՀՄՄ-3 եւ 2 տանկ:

6 միավոր հակառակորդի տանկ էլ ոչնչացրել է լեյտենանտ Տիգրան Կարենի Պետրոսյանը:

Հակառակորդի համար իսկական պատուհաս է դարձել ՊԲ զինծառայող, փոխգնդապետ Ռյուրիկ Օլեգովիչ Սեմյոնովը: Քաջարի զինվորականը ոչնչացրել է զինամթերքով բեռնված 2 թշնամական «Կամազ», 1 ՊԶՄ, հակատանկային 2 դասակ, 3 տանկ, 8 հետեւակի մարտական մեքենա, 1 հրետանային «ՏՌ» կայանք, 2 ավտոտեխնիկա:

Հակառակորդի 3 տանկ է ոչնչացրել շարքային Մարտին Վարդգեսի Բաբախանյանը, ու եւս 2 տանկ՝ սերժանտ Կարապետ Սեյրանի Հարությունյանը:

Փառք մեր հերոս տղաներին:

Նրանց կատարածը հավերժ կմնա մեր ժողովրդի հերոսական տարեգրության էջերում եւ նրանց օրինակով կդաստիարակվեն սերունդներ»:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ