Այդպիսի քանակ չկա․ Արծրուն Հովհաննիսյանը՝ 170 զինվորի փրկվելու լուրերի մասին

Իշխանաձորը կլինի, թե Խուդաֆերինի կամուրջը, մենք հակառակորդին ասել ենք՝ «Բարի գալուստ դժոխք»: Եթե փորձեցին նկարվելուց զատ ավել բան ստանալ այդ տեղանքներում, նրանց համար դժոխք է լինելու: Այս մասին մամուլի ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը:

«Հիմա հերթը հասել է Զանգելանին: Ինչպես Հադրութն ու Ֆիզուլին էին «գրավել», այնպես էլ Զանգելանն են «գրավել»: Այսքանը կասեմ: Պատերազմի ժամանակ, այո՛, նահանջ լինում է՝ հաճախ ծուղակ գցելու նպատակով: Նահանջը խուսավարման ձև է: Առաջին օրվանից էլ ասել ենք, որ բնագծեր չենք պահելու: Դրա համար իմաստ չունի ավելորդ զոհեր տալ: Վստահ եղեք՝ հաղթելու ենք», - նշեց բանախոսը:

Արծրուն Հովհաննիսյանը, անդրադառնալով սոցցանցերում շրջանառվող 170 զինծառայողների փրկվելու մասին լուրերին:

«Լինում են դեպքեր, այսօր էլ, երեկ էլ եղել, է, երբ զորքերի առաջխաղացման ժամանակ հատկապես կարողանում են որոշ առանձին խմբեր, կամ անհատ զինծառայողներ, որոնք նախորդ օրվա մարտական գործողությունների ժամանակ ինչ-որ տեղ են հայտնվել՝ ծուղակ է եղել, կամ մոլորվել են, գերությունից փրկվել են ու դուրս են գալիս, բայց այդպիսի մեծ խմբավորման մասին խոսք չի եղել, ամեն դեպքում շատ մեծ թիվ չէ»,-ասաց նա և նշեց, որ այս պատերազմը շատ դաժան պատերազմ է: