Դատարանը վերացրեց Սեդրակ Քոչարյանի գույքի և հաշիվների վրա դրված կալանքը

Դատարանը չեղարկեց ՀՀ երկրորդ նախագահ Ռոբերտ Քոչարյանի որդու՝ Սեդրակ Քոչարյանի գույքի և հաշիվների վրա դրված կալանքը: Այս մասին միջնորդություն էր ներկայացրել փաստաբան Հովհաննես Խուդոյանը:

Խուդոյանը նշեց, որ կալանքը որեւէ կերպ չի նպաստում գործի քննությանը: Փաստաբան Հայկ Ալումյանը նշեց, որ Սեդրակ Քոչարյանի իրավունքները խախտվել են և որոշումն անօրինական է:

Դատախազ Պետրոս Պետրոսյանը առարկեց՝ նշելով, որ գույքը, որը ենթադրաբար ենթակա էր գանձման, պետք է մնա կալանքի տակ մինչ դատական գործընթացի ավարտը:

Լսելով կողմերին՝ դատավոր Դանիբեկյանը հաստատեց, որ հարցը քննարկվել է և դատարանն անհրաժեշտություն չի համարում կալանքի տակ թողնել հավելյալ գույքը, եւ որոշում է կայացնել չեղարկել Սեդրակ Քոչարյանի գույքի և հաշիվների վրա դրված կալանքը: