22 08 2020

ՍԴ օրենքը արտագրություն է Գերմանիայից, բայց ԱՄՆ մոդելի դատարան ենք ստեղծում. Գոռ Հովհաննիսյան

ՍԴ օրենքը արտագրություն է Գերմանիայից,  բայց ԱՄՆ մոդելի դատարան ենք ստեղծում. Գոռ Հովհաննիսյան

Սահմանադրությունն ու ՍԴ մասին օրենքը լրիվ գերմանական իրավունքի արտագրություն է, բայց ամերիկյան մոդելի գերագույն դատարան ենք ստեղծում: Այս մասին իր ֆեյբուքյան էջում գրել է սահմանադրագետ Գոռ Հովհաննիսյանը:

«Անցած տարի դեկտեմբերին Սաքսոնիայի Բարձրագույն երկրամասային դատարանի դատավորներից մեկի (հեռռ Ռիխթերի) հետ էի խոսում։ Ասում է՝ Հայաստանում մի քանի անգամ եմ եղել, բայց Վրաստանում շատ եմ եղել, օգնել եմ մշակել վրացական քաղաքացիական օրենսգիրքը։ Գերմանացիներին հատուկ շատ նուրբ ու մի քիչ հեգնական հումորով շարունակեց՝ վրացիները լրիվությամբ գերմանական քաղաքացիական օրենսդրությունն արտագրեցին, նաև մեր վերացականության տեսությունը (Abstraktionsprinzip, էս սկզբունքը մաքուր գերմանական սկզբունք է, ու երևի աշխարհի ուրիշ ոչ մի երկրում չկա նման բան, հիմա արդեն բացի Վրաստանից), բայց, ասում է, քանի որ Վրաստանի արդարադատության նախարարը մի ջահել աղջիկ էր, որը Ամերիկայում էր սովորել, բռնեցին քաղաքացիական դատավարության օրենսգիրքն էլ լրիվ ամերիկյան իրավունքից արտագրեցին։ Ասում է՝ թեև ես ոչ մի կերպ չեմ պատկերացնում, թե ամերիկյան դատավարության միջոցով ոնց պիտի կիրառեն գերմանական նյութական քաղաքացիական իրավունքը, բայց դե երևի էդպես էլ է լինում (ու քթի տակ խնդում էր)։

Հիմա մերն է։ Սահմանադրությունն ու ՍԴ մասին օրենքը լրիվ գերմանական իրավունքի արտագրություն է, բայց ամերիկյան մոդելի գերագույն դատարան ենք ստեղծում»:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ