ՍԴ շուրջ ստեղծված «ճգնաժամը» կապված է վարույթում գտնվող հնչեղ գործի հետ․ Հրանտ Սարկիսով

Հրանտ Սարկիսովն իր ֆեյսբուքյան էջում գրել է․

«ՀՀ  ՍԴ-ում  ԱԺ ներկայացուցիչը միջնորդել է հետաձգել՝ դատավոր Դավիթ Գրիգորյանի դիմումի հիման վրա, նշանակված վարույթի քննությունը, ԱԺ-ին տրամադրել  ՄԻԵԴ և  ՎենետիկիՀանձնաժողով|ի խորհրդատվական կարծիքների հայերեն թարգմանությունները, ինչպես նաև ողջամիտ ժամկետ՝ այդ կարծիքներին ծանոթանալու համար։

Հիշեցում՝ դատավոր Դավիթ Գրիգորյանը դիմել էր ՀՀ Բարձր դատարան՝ վիճարկելով ՀՀ ՔրՕր-ի 300.1 հոդվածի Սահմանադրությանը համապատասխանելու հարցը:

Այն, որ ՀՀ ԱԺ-ն կարող է ծանոթանալ խորհրդատվական եզրակցություններին՝ որպես վարույթի պատասխանող կողմ, չեմ առարկում։ Սակայն խիստ մտահոգիչ է այն հանգամանքը, որ նման միջնորդություն է ներակայցվում՝ ՍԴ աշխատակարգային որոշումից 9 օր անց, երբ գործի քննությանը մնացել է 4 օր։

Ի՞նչն էր խանգարում ՀՀ Աժ ներկայացուցիչներին նման միջնորդություն ներկայացնել հենց հունիսի 22-ին, երբ ՀՀ ՍԴ-ն կասեցված վարույթը վերսկսելու մասին աշխատակարգային որշոշում ընդունեց։

Հաշվի առնելով նաև այն հանգամանքը, որ Հանրապետության Նախագահը չստորագրելով «ՍԴ մասին» ՀՀ ՍՕ-ում և հարակից ներկայացված Օրենքում փոփոխություններ և լրացումներ կատարելու մասին Խորհրդարանի « Իմքայլը» խմբակցության կողմից ընդունած Օրենքը՝ փաստացի երկարաձգել է հակասահմանադրական փոփոխությունների իմպլեմենտացումը օրգանական օրենքում, ինչպես նաև Սահմանադրության ուժով ստիպել ՀՀ ԱԺ մեծամասնությանը՝ սպասել մինչև հուլիսի 21-ը, որպեսզի ՀՀ ԱԺ նախագահը կարողանա օգտվել Մայր օրենքի 129-րդ հոդվածի 3-րդ մասում ամրագրված իրավունքից։

Սույն քայլը կարելի է դիտարկել բացառապես կոնտր-քայլ, որպեսզի  ԼՀԿ և  ԲՀԿ խմբակացությունները ևս հետաձգեն ՍԴ դիմելու իրենց իրավունքի իրացումը, քանի որ ԼՀԿ-ն հայտարել էր, որ ՍԴ կդիմի հուլիսի 7-ին նշանակված գործի քննությունից հետո։

Ենթադրություններ

1. Քանի որ, բոլոր կողմերը փաստացի ծանոթ են խորհրդատվական եզրակացություններին, ապա երեք օրը՝ մինչև գործի քննությունը, ողջամիտ է ծանոթանալու և նախապատրաստվելու համար։
2. Նման գործողություններով փաստվում է, որ ՍԴ շուրջ ստեղծված «ճգնաժամը» կապված է վարույթում գտնվող հնչեղ գործի հետ։

Հետև՛ք Ձեզ, մեզ, Սահմանադրությանն և եղե՛ք առողջ»։