Նախագահը խախտե՞լ է Սահմանադրությունը․ Բագրատ Եսայան

ՀՅԴ անդամ Բագրատ Եսայանը գրում է․

«ՀՀ Նախագահը խախտե՞լ է ՀՀ Սահմանադրությունը։

Սահմանադրությունը հստակ սահմանում է ՀՀ Նախագահի գործառույթներն ու պարտականությունները։ Մասնավորապես՝

Հոդված 129. Օրենքի ստորագրումը և հրապարակումը

1. Ազգային ժողովի ընդունած օրենքը Հանրապետության նախագահն ստորագրում և հրապարակում է քսանմեկօրյա ժամկետում կամ նույն ժամկետում դիմում է Սահմանադրական դատարան՝ Սահմանադրությանն օրենքի համապատասխանությունը որոշելու հարցով:

Հոդվածը չի նախատեսում որևէ տարբերակում օրենքների մեջ, Նախագահը ստորագրում է ԲՈԼՈՐ օրենքները։ Հիմա, Արմեն Սարգսյանը ստորագրում է մի օրենք, որի գործադրման հետևանքով ինքը չի կատարելու Սահմանադրության 129 հոդվածով միայն ՀՀ Նախագահին վերապահված գործառույթը, դրանով իսկ խախտելով հոդված 123-ի երկրորդ մասով նախատեսված՝ իր գործառույթը սահմանող հողվածը՝

Հոդված 123. Հանրապետության նախագահի կարգավիճակը և գործառույթները

…
2. Հանրապետության նախագահը հետևում է Սահմանադրության պահպանմանը:

Այսպիսով, ՀՀ Նախագահ մասնակից է դառնում սահմանադրական կարգի տապալման գործին։
Հետաքրքիր է, մասնագետներն ի՞նչ կարծիք ունեն այս հարցի մասին»։