17 05 2020

Ջանք չեն խնայում՝ տուժած Ռուբեն Հայրապետյանի որդին դառնա մեղադրյալ․ փաստաբան

Ջանք չեն խնայում՝ տուժած Ռուբեն Հայրապետյանի որդին դառնա մեղադրյալ․ փաստաբան

ՀՖՖ նախկին  նախագահ, նախկին պատգամավոր Ռուբեն Հայրապետյանի փաստաբան Ամրամ Մակինյանը Ֆեյսբուքի իր էջում գրում է.

«Մեղադրյալը՝ տուժող, տուժողը՝ մեղադրյալ...

Ահա թե ինչպես են կախարդական փայտիկի օգնությամբ դատավարական կարգավիճակները փոփոխության ենթարկվում...

Քննչական կոմիտեի «հատկապես կարևոր գործեր» քննող քննիչները ջանք չեն խնայում, որ հանցագործությունից տուժած Ռուբեն Հայրապետյանի որդի Ռաֆիկ Հայրապետյանը դառնա մեղադրյալ, իսկ իրական մեղադրյալը՝ տուժող...

Ինչումն է հարցը... տարիներ առաջ Ռաֆիկ Հայրապետյանին պատկանող ընկերության տնօրենն առանց նրա գիտության և թույլտվության՝ խարդախությամբ, ընկերության անվամբ ստացել է տասնյակ միլիոնների հասնող վարկ, գումարը կանխիկացրել և ծախսել անձնական կարիքների համար...

Պարզ մի իրավիճակ...

Եվ հիմա, փոխարենը «հատկապես կարևոր գործերով» զբաղվող քննիչները քննեն այդ փաստը և իրերն իրենց անուններով կոչեն, գնահատական տան առերևույթ հանցանքի կատարմանը, միջոցներ ձեռնարկեն արտերկրում գտնվող մեղադրյալին ՀՀ վերադարձնելու և արդարադատության առջև կանգնեցնելու համար, լծվել են հայտնի պերսոնաժի հատկապես կարևոր իղձերի իրականացմանը՝ ամեն գնով Ռուբեն Հայրապետյանից վրեժ լուծելուն...

Նոր բան ասած չեմ լինի, երբ փաստեմ, որ դարերի պատմություն ունեցող մեր գեներում երբևէ չի եղել ծնողի նկատմամբ ունեցած քենը որդուց հանելու մոլուցքը...

Երևի նոր ժամանակների ներքո ոմանց գենն էլ է փոխվել...

Օ մարդիկ, օ ժամանակներ...

Առողջ եղեք...»։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ