20  01  2020

Միակ հնարավոր տարբերակն է, որ Թավադյանի դեմ Վարուժան Մկրտչյանը ցուցմունք տված լինի․ Խուդոյան



«Արտասովոր ոչինչ չեղավ, սովորական բողոքի քննարկման կարգն էր․ ներկայացվեց բողոքը, ներկայացվեցին առարկություններ, դատական ակտը կհրապարակվի հունվարի 21-ին ժամը 16։00-ին»,-լրագրողների հետ զրույցում ասաց 5-րդ ալիքի սեփականատեր Արմեն Թավադյանի պաշտպան Հովհաննես Խուդոյանը։ 

Անդրադառնալով Թավադյանի հաշվիվների վրա կալանքին, պաշտպանն ասաց․ «Քննիչին գրավոր դիմել եմ տրամադրել այդ տեղեկատվությունը, այսինքն ցանկացած դատավարական փաստաթուղթ , որ իրավունք ունի ստանալ Արմեն Թվադյանը, այդպիսի որոշումը դրանց թվում  է, ենթադրում եմ վաղը վերջին օրն է, պետք է պատասխան ստանամ, եթե տեսնենք, որ այդպիսի որոշում կայացվել է , մինչև հիմա չենք ծանուցվել դրա մասին, կբողոքարկենք»։

Խուդոյանն հայտնեց, որ Արմեն Թավադյանը ներկա էր դատական նիստին, սակայն որևէ հայտարարությամբ հանդես չի եկել և իր փոխարեն պաշտպանական կողմն ամեն ինչ ներկայացրել է։

Լրագրողի հարցին՝ արդյո՞ք Վարուժան Ավետիսյանն է Արմեն Թավադյանի դեմ ցուցմունք տվել․ «Միակ հնարավոր տարբերակն է, որ Արմեն Թավադյանի դեմ Վարուժան Մկրտչյանը ցուցմունք տված լինի , քանի որ գործով ուրիշ մասնակից չկա դատական նիստի ընթացքում բարձրաձայնել են նաև այդ հարցերը, թե ինչու է անձը , որը մեղադրվում է  նույն արարքի մեջ ազատության մեջ, ու ամենևին սա չի նշանակում, որ ցանկանում ենք այդ անձին կալանավորեն, այլ ընդամենը հավասար վերաբերմունքի մասին է խոսքը։ Խտրական վերաբերմունք կա Արմեն Թավադյանի նկատմամբ։ Այս դատական նիստում կարծես այդ հարցի պատասխանը ստացանք , որ վերջնական արդյունքում կարող ենք ասել, որ անձին կալանավորում են ցուցմունք կորզելու համար, քանի որ հաջողվել է այդ զուցմունքը ստանալ, այդ անձը հիմա ազատության մեջ է և Արմեն Թավադյանը կալանավորված պետք է մնա այնքան ժամանակ քանի դեռ ինքնախոստովանական  ցուցմունք չի տվել»,- ասաց Խուդոյանը և հավելեց, որ Արմեն Թավադյանը ցուցմուքն չի տվել, ընդհանրապես չի ցանկացել քննչականի հետ որևէ առնչություն ունենալ։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ